Search
Or
გოჭის ბეჭი, ღომი და აჯიკა
60+ Min
საშუალო
1
500+ Kcal

ჩემი სუბიექტური აზრითა და ობიექტური კვლევის შედაგად დავასკვენი, რომ მეგრული კულინარია საქართველოში - საუკეთესოა. რა თქმა უნდა, ბევრ კუთხეს აქვს განსაკუთრებული კერძები, ზოგს რამდენიმეც კი, მაგრამ, ამდენი გემრიელი რამ არცერთ კუთხეს უნახავს - რაჭასაც კი, რომელიც მეორე ადგილს იკავებს ჩემს სიაში.

ერთ-ერთი მიზეზი, რატომაც ასე მგონია, არის კერძი, რომელიც გავსინჯე ზუგდიდში, ქორწილში. კერძი მარტივი იყო, ხოდა მეც მიმაჩნია, რომ აუცილებელია ეს მარტივი, მაგრამ კარგი სატრაპეზო კერძი თქვენც გაგიზიაროთ.

ingredients
1 1 გოჭის ბეჭი
500 500 გრ. სიმინდის ღერღილი
200 200 გრ. სიმინდის ფქვილი
15 15 გრ. ღერღილი წიწაკა
15 15 გრ. ყვითელი ყვავილი
250 250 გრ. ნიგოზი
60 60 გრ. ქინძი მშრალი
60 60 გრ. უცხო სუნელი
30 30 მლ. ძმარი ვაშლის
50 50 გრ. შაქარი
30 30 გრ. წითელი ცხარე წიწაკა
40 40 გრ. წითელი ბულგარული
100 100 მლ. ზეთი სიმინდის
1 1 მწიკვი ნიორი
10 10 გრ. მარილი
step 1
პირველ რიგში, აუცილებელია გოჭის ბეჭიდან ყველა ძვალი ამოვიღოთ, თანაც ისე რომ კანი არ დავაზიანოთ, ეს მარტივი არ არის, მაგრამ იმის გათვალისწინებით, რომ შემდეგ ყველაფერი საკვები ბაწარით უნდა შეიკრას, შეგიძლიათ გამბედავები იყოთ.
step 2
პარალელურად, გავრეცხოთ ღერღილი, მოვათავსოთ ქვაბში და იმდენი წყალი დავამატოთ, რომ ღერღილის მოცულობას ერთნახევარჯერ აღემატებოდეს. ღერღილი, რომელიც ამოტივტივდება, მოხადეთ. წამოადუღეთ და გასქელებას რომ დაიწყებს, შეურიეთ სიმინდის ფქვილი, წვრილად გატარებული ნიგოზი, სათითაოდ ყველა სუნელის 2/3, (ისე რომ სუნელები მოგრჩეთ ღორის გარსისთვის), წვრილად დაჭრილი წიწაკები, ნიორი და მარილი. თუ მასა პროცესში ძალიან შესქელდა, მდუღარე წყლით გაათხელეთ იმ დონემდე, რომ მიიღოთ კლასიკური ღომის კონსისტენცია.
step 3
მორჩენილი სუნელები ჩავყაროთ სიმინდის ზეთში, კარგად მოვურიოთ და დავაყოვნოთ 10 წუთით. პარალელურად, ღომიც გაგრილდება, რის შემდეგაც მას მოვათავსებთ ღორის ხორცის ცენტრში.. კარგად "გატენეთ", რაც მეტი, მით უკეთესი, მაგრამ ადგილიც დაიტოვეთ, რომ შეკვრა შეძლოთ, ისე რომ ღომმა არ გაჟონოს.
step 4
გაკვანძეთ ღორის ხორცი, შემდეგ განივად დასერეთ კანი, შეაზილეთ გადანახული სუნელებიანი ზეთი და მარილი.
step 5
ღუმელი 170 გრადუს ცელსიუსზე გააცხელეთ , პირველი 3 საათი ცხობის მანძლზე ალუმინის ქაღალდი გადააფარეთ, ბოლო 2 საათი კი მოხადეთ და ტემპერატურა 140 გრადუს ცელსიუსამდე შეამცირეთ, რომ კანი კარგად შეპიწკინდეს.

How To Serve

იმის გამო, რომ კერძს საერთოდ არ აქვს ძვლები, იგი ადვილად იჭრება, ძალზედ კომფორტულია სერვირებისთვის. კერძი მიირთვით ღუმელიდან გამოღებინდან 30 წუთში. კერძი საკმაოდ მძიმეა, ამიტომ მისი მირთმევის შემდეგ რეკომენდაციას ვუწევთ ბორჯომს!

Utensils

ტაფა,
დაფა

Useful Tips

სჯობს კერძი მაშინვე არ მიირთვათ და ცხობის შემდეგ მინიმუმ 30 წუთი გააგრილოთ . ასე ღომი შიგნით შესქელდება და უკეთეს კონსისტენციას მიიღებს.