გუაკამოლე საფერავის პურით და კრევეტებით

0 - 30 წუთი

ადვილი

ვარ 25 წლის შეფ-მზარეული, სასტუმრო "დაკარგული ქოხის" და რესტორან "ოქროს თევზის" ბრენდ-შეფი, ღრმა ბავშვობიდან მიტაცებს კულინარია და ვთვლი რომ მანაც მე ამირჩია. გამოცდილება მივიღე ბევრ წარმატებულ შეფ მზარეულთან, როგორც გერმანიაში, ისე ავსტრიაში. ვცდილობ, რომ ეს ყველაფერი გავუზიარო აქ მყოფ მზარეულებსაც. ვთვლი რომ საქართველოს დიდი პოტენციალი აქვს გასტრონომიულ სივრცეში, თავდაუზოგავი შრომის შედეგად შეგვიძლია იმ შედეგს მივაღწიოთ, რითაც საფრანგეთი, იტალია, რუმინეთი და სხვა განვითარებული ქვეყნებია განთქმული. მიზნად დასახული მაქვს სიახლეები შემოვიტანო ქართულ გასტრონომიულ კულტურაში და ასევე გავაცოცხლო ძველი ბებია-ბაბუების კერძები ჩემი ახლებლური ხედვებით. მსურს, რომ ხალხს ჰქონდეს საშუალება თავად განსაზღვროს კერძის ხასიათი და ემოციური დონე, აირჩიოს რა უფრო მეტად სასიამოვნოა მათთვის და რა უფრო პატივსაცემი. ჩემი კერძის ვიზუალი და გემოები ძირითადად ინსპირირებულია მრავალფეროვანი თემათიკებით, ძირითადად ეს არის - ტრადიცია და ახალი გემოები, მათი არასტანდარტული და ხანდახან წაურმოუდგენელი თავსებადობებიც კი.

ინგრედიენტები

1 1 ავოკადო

4 4 დიდი ზომის კრევეტი

1 1 საფერავის პური

25 25 გრ. პომიდორი

10 10 გრ. ნიორი

2 2 გრ. მარილი

1/2 1/2 გრ. წიწაკა

20 20 გრ. ქინძი

15 15 გრ. კამა

20 20 მლ. ზეითუნის ზეთი

5 5 გრ. ნივრის ფხვნილი

საფეხური 1

ავოკადო გავჭრათ და ამოვიღოთ კურკა, დავჭრათ კუბებად და ჩავსრისოთ დანით (პიურეს კონსისტენციამდე), დავამატოთ დანაყული ნიორი, წიწაკა, წვრილად დაჭრილი ქინძი, კამა და მარილი. მოვაყაროთ ნივრის ფხვნილი და მოვასხათ ზეითუნის ზეთი, კარგად ავურიოთ.

საფეხური 2

კრევეტები შევწვათ ზეითუნის ზეთში, დანაყულ ნიორთან ერთად 1-2 წუთის განმავლობაში (როგორც კი ფერს იცვლის და ოქროსფერი გახდება, კრევეტები მზადაა).

საფეხური 3

საფერავის პური იზილება ქართული ხორბლის უმაღლესი ხარისხის ფქვილისგან, მშრალ საფუარზე. რეცეპტისთვის შესაძლებელია სხვა პურის გამოყენება. პურს ვჭრით 1/2 ნაწილად, ზემოდან ვათავსებთ გუაკამოლეს (მომზადებულ მასას) და ვალაგებთ კრევეტებს.