არომატისთვის შეგიძლიათ გამოიყენოთ ლიმონის ან ფორთოხლის ცედრაც. შაქარი, კარაქი და ხილის არომატი (თქვენი არჩევანი), გადაურიეთ მიქსერის დაბალ სიჩქარეზე. უნდა მიიღოთ კრემისებრი მასა. დაამატეთ კვერცხი და ფქვილი (ეტაპობრივად). მოზილეთ ცომი, შეახვიეთ საკვებ ცელოფანში და შეინახეთ მაცივარში ნახევარი საათით. სანამ ცომთან დაიწყებთ მუშაობას, გაყავით იგი სამ თანაბარ ნაწილად. ჯერ ერთის გაბრტყელებით დაიწყეთ, დანარჩენი კი მაცივარში შეინახეთ. ამოჭერით სასურველი ფორმები. გაახურეთ ღუმელი 180 გრადუსამდე და გამოაცხვეთ 6-10 წუთის განმავლობაში.

შეურიეთ დაფქული შაქრის 1/3 ცილას და დაიწყეთ დაბალ სიჩქარეზე თქვედა. შემდეგ დაამატეთ შაქრის ნახევარი და ისევ განაგრძეთ თქვეფა. როდესაც მასა ერთგვაროვანი გახდება, დაამატეთ დარჩენილი შაქარი და თქვიფეთ მაღალ სიჩქარეზე 5-6 წუთის განმავლობაში. მასა უნდა იყოს გლუვი. აისინგის მომზადებისას მთავარია დაიმახსოვროთ ერთი მნიშვნელოვანი ნიუანსი - ყოველთვის დააფარეთ ჭურჭელს, რომელშიც მას ინახავთ გრინი ან სველი ტილო, რადგანაც იგი ძალიან მალე ხმება!