Search
Or
ხიწიწი, იგივე ნახიჭო, ბოსტნეულით და კივის საწებლით
30-60 Min
საშუალო
201-500 Kcal

ხიწიწი  ჩემი ბავშვობის საკვებია. ბებია ღორის ქონს პატარა კუბებად ჭრიდა და საშუალო ცეცხლზე ბრაწავდა ხოლმე, გამლღვარ ცხიმს აგროვებდა და ინახავდa, ბავშვები კი შებრაწულ ნახიჭოს მივირთმევდით.

ხიწიწის მოსამზადებლად ბებიის მეთოდს მივყევი. ღორის ქონი ცალკე ჭურჭელში გადავიტანე და კარტოფილის შესაწვავად გამოვიყენე. უფრო დეტალურად მოგიყვებით რეცეპტში.

ingredients
700 700 გრ. კარტოფილი
2 2 სტაფილი
1 1 თავი ბროკოლი
2 2 სუფრის კოვზი სვანური მარილი
2 2 სუფრის კოვზი ზეითუნის ზეთი
50 50 გრ. სალათის ფურცლები
1 1 სუფრის კოვზი ბროწეულის მარცვლები
400 400 გრ. ღორის ქონი
საწებელი
8 8 კივი
1 1 ჩაის კოვზი ხმელი პიტნა
30 30 გრ. ოხრახუში (მხოლოდ ფოთლები)
3 3 კბილი ნიორი
1/2 1/2 ჩაის კოვზი სვანური მარილი
1 1 ფირფიტა ლავაში
step 1
პირველ რიგში, პატარა ზომის კუბებად დაჭერით ღორის ქონი და ტაფაზე მობრაწეთ, ერთდროულად ნუ ჩაყრით ტაფაზე მთელ ქონს, ეტაპობრივად, მცირე პორციები ბრაწეთ. მიღებული ცხიმი სხვა ჭურჭელში გადაიტანეთ.
step 2
კარტოფილი ძალიან კარგად გარეცხეთ, არ გაფრცქვნათ, დაჭერით ნავისებურ ფორმებად. სტაფილოც და ბროკოლიც გარეცხეთ, სტაფილო ოვალურ ფორმებად დაჭერით, ბროკოლიც დაანაწევრეთ პატარა ნაწილებად. ღორის გამდნარ ქონს შეურიეთ სვანური მარილი, გადაურიეთ კარტოფილს და სტაფილოს, მოათავსეთ საცხობ ლანგარზე და შედგით წინასწარ გახურებულ ღუმელში 180 გრადუსზე 30 წუთით (სრულ მომზადებამდე, სანამ კარტოფილი გარედან არ მოიბრაწება და შიგნიდან რბილი არ გახდება). მომზადებამდე 10 წუთით ადრე შეგიძლიათ ბროკოლი დაუმატოთ, თუ გსურთ, რომ ძლიერ არ დაიბრაწოს.
step 3
კივი გავფრცქვნათ, გავრეცხოთ, დავჭრათ რგოლებად ან თანაბარი ზომის კუბებად, პატარა ქვაბში ჩავყაროთ, დავასხათ წყალი, ისე, რომ ოდნავ იფარებოდეს და დავდგათ საშუალო ცეცხლზე. ავადუღოთ, 5 წუთის შემდეგ გადმოვდგათ ცეცხლიდან და ვაცადოთ გაგრილება.
step 4
ოხრახუში კარგად გავრეცხოთ და წვრილად დავჭრათ, კივი გადავწუროთ (გადაწურული წვენი არ გადაასხათ). მოხარშული კივი მწვანილთან და ნიორთან ერთად დავაბლენდეროთ, დავუმატოთ სვანური მარილი და ხმელი პიტნა, თუ მიღებული მასა ძალიან სქელია, თქვენთვის სასურველი კონსისტენციის მიღებამდე გაათხელეთ გადაწურული წვენის მეშვეობით. საწებელი მზადაა, დაგვრჩა ლავაში.
step 5
ლავაშის ფირფიტა დავჭრათ კუბებად ან რომბებად, დავაწყოთ საცხობ ლანგარზე, მოვასხათ 2 ს/კ ზეთი და შევდგათ 180 გრადუსზე გახურებულ ღუმელში 5 წუთით. მიიღებთ ხრაშუნა, ძალიან გემრიელ ლავაშს.

How To Serve

აიღეთ დიდი თეფში. შუაში მოათავსეთ ცალკე ჭურჭელში ჩასხმული საწებელი, ირგვლივ კი გამომცხვარი ბოსტნეული და ლავაში. მოაყარეთ ხიწიწი და ბროწეულის მარცვლები.