Search
Or
ვარჯიშის შემდგომი კვება

მნიშვნელოვანია რას ჭამთ ვარჯიშის შემდეგ, რადგან არასწორად შერჩეული ან სულაც გამოტოვებული კვება შესაძლოა მომდევნო დღეებში თქვენი სისუსტის და უგუნებობის მიზეზი გახდეს. 


ცილების მიღება აუცილებელია ფიზიკური დატვირთვის შემდგომ, ის გვეხმარება კუნთის აღდგენაში, თუმცა ჭარბად მიღებულ პროტეინი ვერ მუშავდება და ცხიმებად ლაგდება ორგანიზმში. ცილების წყაროა: კვერცხი, ქათმის ფილე, თევზი, ხაჭო, მაწონი, ცხოველური და მცენარეული რძე.
ნახშირწყლების მიღება არანაკლებ მნიშვნელოვანია ცილებთან ერთად. ნახშირწყლების მარაგს შეივსებთ შემდეგი პროდუქტებით: ბანანი, ვაშლი, კენკრა, პომიდორი, ტკბილი კარტოფილი, ისპანახი, ქინოა, მუხუდო.


იდეალური პროპორცია ნახშირწყლების და ცილების მისაღებად არის 2:1-თან.
ცხიმების მიღება რეკომენდებულია ავოკადოს, მცენარეული ზეთების, თხილის პასტების სახით.
დატვირთვის შემდეგ ოპტიმალური დრო საკვების მისაღებად 30 წუთია.
არ დაგავიწყდეთ წყლის ბალანსის აღდგენაც.


გთავაზობთ ქინოას სალათის რეცეპტს, რომელიც იდეალურია ვარჯიშის შემდგომ ენერგიის აღსადგენად. 
რეცეპტი მოცემულია 2 ულუფაზე.

დაგჭირდებათ:

  • ¾ ჭიქა ქინოა
  • 1 სტაფილო
  • 1 კიტრი
  • ½ ვაშლი
  • 1 პომიდორი
  • 5-7 სალათის ფოთოლი
  • 2 ს.კ გაწურული მაწონი
  • ½ ლიმონი
  • 170 გრ ქათმის ფილე (მოხარშული ან ღუმელში გამომცხვარი)
  • მიკრო მწვანილი

აადუღეთ წყალი, ქინოა გარეცხეთ საწურზე, ჩაყარეთ ადუღებულ მარილიან წყალში და ხარშეთ შეფუთვაზე დატანილი დროის მიხედვით ან 15 წუთი. გადაწურეთ და გადაავლეთ ცივი წყალი.
სტაფილო გახეხეთ მსხვილ სახეხზე.  კიტრი, პომიდორი, სალათის ფოთლები, ვაშლი და ფილე დაჭერით. ყველაფერი ერთად აურიეთ დიდ ჯამში, ჩააწურეთ ლიმონის წვენი და დაუმატეთ მაწონი, მარილი და პილპილი გემოვნებით, სულ ბოლოს მიკრო მწვანილი.
თუ მოერიდებით მარილიანი საკვების მიღებას, რადგან ფიზიკური დატვირთვის შემდეგ დაკარგული ელექტროლიტების აღდგენაში სწორედ მარილი დაგეხმარებათ.