Search
Or
კუბდარი ანუ მეფე

კუბდარი საქართველოს ყველაზე მედიდური კუთხის, ყველაზე მედიდური სამზარეულოს, ყველაზე მედიდური წარმომადგენელია.

თუ დავსვამთ კითხვას: „რა არის კუბდარში განსაკუთრებული?“, აუცილებლად გავანაწყენებთ ყველა სვანს და შემდეგ ყველა ქართველს. კუბდარის მომზადების წესი ერთი შეხედვით მარტივია - საიდუმლო ინგრედიენტების ბალანსსა და ხარისხშია. „ზედმეტი არაფერი ვარგა“ ზედგამოჭრილი სიტყვათშეთანხმებაა ქართული სამზარეულოს ამ წარმომადგენლისთვის. ტრადიციისამებრ, კუბდარის ცომს სხვა დანარჩენისგან ის განასხვავებს, რომ მას უფრო დიდ ხანს ზელენ, მისი შიგთავსის მთელი პიკანტურობა კი სანელებლებში მდგომარეობს. აუცილებლად გაითვალისწინეთ, კუბდარის მოსამზადებლად არ გამოგადგებათ ე.წ. ფარში, ხორცი აუცილებლად უნდა იყოს დაკეპილი შეძლებისდაგვარად თანაბარ ნაწილებად. ხორცისთვის დაგჭირდებათ ოთხი სახეობის სუნელი: ხმელი ქინძი, უცხო სუნელი, კამა და ძირა, ასევე, მარილი და წიწაკა.

კუბდარი ღვეზელების იმ კატეგორიას განეკუთვნება, რომლებიც, მოზომილ ექსპერიმენტებს ნამდვილად იტანს და იმპროვიზაციის საშუალებასაც იძლევა. ზოგიერთი, ზემოთ ჩამოთვლილ ოთხ ძირითად სუნელს მთის ქონდარსაც უმატებს.

რას უნდა მივაქციოთ ყურადღება?

კუბდარის ცომი აუცილებლად უნდა იყოს ბევრად უფრო მყარი, ვიდრე ტრადიციული, საფუვრიანი.

კუბდარის ხორცი უნდა იყოს აუცილებლად დაკეპილი.

კუბდარი შეგვიძლია მივირთვათ ყველგან და ყოველთვის, თუმცა არაფერი სჯობს ამ კერძის მისსავე სამშობლოში დაგემოვნებას!

 

Tags

Expret Advices