ვაშლის ნამცხვარი

60+ წუთი

საშუალო

ინგრედიენტები

350 350 გრ. ფქვილი

150 150 გრ. კარაქი

5 5 ცალი კვერცხი

800 800 გრ. არაჟანი

2 2 ცალი ვანილის ექსტრაქტი

1 1 სუფრის კოვზი გამაფხვიერებელი

2 2 მწიკვი მარილი

3 3 ცალი ვაშლი

1/2 1/2 ცალი ლიმონის ცედრა

400 400 გრ. ფორთოხალი

350 350 გრ. შაქარი

20 20 გრ. რომი ან კონიაკი

საფეხური 1

ფხვიერი ძირის მოსამზადებლად, 300 გრ. ფქვილი, ვანილი, გამაფხვიერებელი, 1 მწიკვი მარილი შევურიოთ ერთმანეთში. მოზელვის შემდეგ ჩავახეხოთ ცივი კარაქი, დავამატოთ 2 კვერცხის გული და 1 სუფრის კოვზი არაჟანი. ისევ მოვზილოთ, სწრაფად, რომ ცომისთვის გამზადებულმა მასამ გათბობა ვერ მოასწროს. შევინახოთ მაცივარში 30 წუთით.

საფეხური 2

სანამ ცომი გრილდება, გავაკეთოთ ფორთოხლის კონფი. კარგად გარეცხილი ფორთოხალი გავასუფთავოთ, რბილობი ჯამში მოვადუღოთ მცირე ოდენობის წყალთან ერთად, ცედრას კი მოვაშოროთ თეთრი ნაწილი, სიმწარის თავიდან ასარიდებლად. ცედრა უნდა გავავლოთ მდუღარე წყალში 3-ჯერ. ცედრას დავამატებთ რბილობს და 200 გრ. შაქარს, ვადუღოთ 1 საათი სანამ კერქი არ მორბილდება. სულ ბოლოს დავამატოთ კონიაკი, ან რომი.

საფეხური 3

შიგთავსის მოსამზადებლად, ვაშლი გავარჩიოთ და დავასხათ ლიმონის წვენი იმისთვის, რომ არ გაშავდეს. იგივე თასში მოვათავსოთ არაჟანი, 3 კვერცხი, 150 გრ. შაქარი, ვანილი, ნახევარი ლიმონის ცედრა და ნახევარი ფორთოხლის ცედრა. ეს ყველაფერი ავთქვიფოთ მიქსერით და შემდეგ შევურიოთ 3 სუფრის კოვზი ფქვილი. უკვე გამზადებული ცომი გავაბრტყელოთ, ჩავაფინოთ ფორმაში, პერგამენტის ქაღალდზე. ზედ დავალაგოთ დაჭრილი ვაშლი, ჩავაფინოთ ფორთოხლის კონფი და დავასხათ არაჟნის მასა. ვაცხობთ 170 გრადუსზე 45 წუთის განმავლობაში.