გამარჯობა, მე ვარ ანი, პროფესიით პიარის სპეციალისტი. რამდენიმე წლის წინ დავინტერესდი კულინარიით და ჩავაბარე საქართველოს კულინარიის აკადემიაში, მზარეულის პროგრამაზე. სწავლის დასრულების შემდეგ მივხვდი, რომ კონდიტერია უფრო მიზიდავდა და გავიარე საკონდიტრო კურსი. რამდენიმე თვიანი მუშაობის შემდეგ კი დავრწმუნდი, რომ ეს არის ჩემი საყვარელი საქმე და გადავწყვიტე კულინარიული ბლოგის გაკეთება (anishomecooking). ჩემი ბლოგი ძირითადად ეხება დესერტებსა და მომზადების ტექნიკებს. დღეს კი გიზიარებთ ჩემთვის ერთ-ერთი საყვარელი დესერტის რეცეპტს.
ძირი:
120
120
გრ.
ორცხობილა
50
50
გრ.
გამდნარი კარაქი
მასა:
600
600
გრ.
კრემყველი
180
180
გრ.
შაქარი
2
2
ცალი
კვერცხი
120
120
გრ.
ნაღები 35%
160
160
გრ.
არაჟანი 15%
40
40
გრ.
ფქვილი
1
1
მწიკვი
მარილი
1/2
1/2
ლიმონის ცედრა
მოცვის კონფი:
250
250
გრ.
მოცვი
20
20
გრ.
შაქარი
3
3
სუფრის კოვზი
წყალი
1
1
სუფრის კოვზი
სიმინდის სახამებელი
დაჩოპერებულ ორცხობილას დაუმატეთ გამდნარი კარაქი, გადაიტანეთ 20 სმ საცხობ ფორმაში და მოათავსეთ მაცივარში შიგთავსის მომზადებამდე.
კრემყველი და შაქარი მსუბუქად გათქვიფეთ ერთგვაროვანი მასის მიღებამდე.
დაუმატეთ კვერცხი, არაჟანი და ნაღები. შემდეგ კი ფქვილი და მარილი.
მიღებული მასა გადაწურეთ და ბოლოს დაახეხეთ ლიმონის ცედრა.
ყალიბი ჩადგით ცხელ წყალში და გამოაცხვეთ 170 გრადუსზე საათ ნახევრის განმავლობაში. გამოცხობის შემდეგ ღუმელში დატოვეთ 1 საათით და შემდეგ შეინახეთ მაცივარში 6-7 სთ.
კონფისთვის ყველა ინგრედიენტი გადაურიეთ ერთმანეთში და აადუღეთ დაბალ ცეცხლზე. პერიოდულად ურიეთ.
როცა შესქელდება გადმოდგით და გააგრილეთ. სერვირების დროს კი მოასხით ჩიზქეიქს.
დააჭირეთ აქ თუ მოამზადეთ კერძი
