ძველი ბათუმის ერთი მომხიბვლელი სახლის პირველ სართულზე, ახალ გასტრონომიულ სივრცეს აღმოაჩენთ - მშვენიერი ინტერიერი, დახვეწილი დეტალებით, მყუდრო ეზო, ღიმილიანი მომსახურე პერსონალი და ფიუჟენ სამზარეულო, რომელსაც ბრენდ შეფი ელენე კაკაბაძე უდგას სათავეში. ვფიქრობთ, “ნიშა” ბათუმში თქვენი საყვარელი ადგილი გახდება.
“ჩვენ უკვე გვქონდა წარმატებული პროექტი „გარდენსი“, რომელიც წლების განმავლობაში აერთიანებდა, კაფეს, რესტორნის და ბარის კონცეფციას, გადავწყვიტეთ, ძველ ბათუმში შეგვექმნა სრულიად განსხვავებული და მყუდრო გარემო, ოღონდ ამჯერად კლასიკური რესტორნის მიმართულება ვარჩიეთ, ქართული ფიუჟენ მენიუთი და ლიმიტირებული რაოდენობის, ექსკლუზიური ღვინით, რომელიც მუდმივად იცვლება და ვითარდება.
მენიუ შედგენილია ბრენდ შეფის ელენე კაკაბაძის მიერ, რომელმაც იდეალურად გაიზიარა ჩვენი სურვილები და სიამაყით შეგვიძლია ვთქვათ, რომ პროდუქტის ხარისხი, გემო, ინტერიერი, ლოკაცია და ჩვენი გუნდის თავდაუზოგავი შრომა, საუკეთესო რესტორნის სტატუსს გვანიჭებს.
რაც შეეხება სამომავლო გეგმებს, რა თქმა უნდა, გვსურს გავფართოვდეთ, თუმცა ახლა ჩვენი უპირველესი მიზანი მაინც ბრენდად ჩამოყალიბებაა.
ჩვენი ხედვა იყო შეგვექმნა მომხიბლავი სივრცე, სადაც ყველა სულს შეეძლო ტკბობა კომფორტით და კულინარიული ქმნილებებით. ასე გაჩნდა ქართული ფიუჟენის კონცეფცია, სადაც ტრადიცია და ინოვაცია ჰარმონიულად შეერწყა ერთმანეთს.” - გიორგი ბარამიძე, რესტორნის მენეჯერი.
