ვაგრძელებთ საბაზისო სოუსების რეცეპტების სერიას. ამჯერად, ყველის სოუსის მომზადებას ვისწავლით! იგი იდეალურია პასტასთან ან მობრაწულ ყვავილოვან კომპოსტოსთან. შეგიძლიათ გამოიყენოთ სხვადასხვა კასეროლეს ცხობის დროს, ჩვეულებრივი ყველის ნაცვლად. 

ინგრედიენტები:

500 მლ. რძე 

4 ჩ.კ. ფქვილი 

50 გრ. კარაქი 

100 გრ. ყველი (50 გრ. ჩედარი, 50 გრ. ობიანი ყველი) 

მომზადების წესი:

დაასხით ქვაბში რძე. დაუმატეთ კარაქი და ფქვილი. დაადგით ცეცხლზე და გაუჩერებლად ურიეთ. ადუღებისას, მასა დაიწყებს შესქელებას. ზუსტად ამ დროს უნდა დაამატოთ გახეხილი ყველი და ურიოთ, სანამ მასა გახდება ერთგვაროვანი.