ხაჭოერბო საკმაოდ კალორიული და ნოყიერი კერძია, ამიტომ, თუ მის მირთმევას გადაწყვეტთ, ალბათ, სხვა კერძებით კუჭის დატვირთვა არ ღირს. ის შეიძლება ჩაითვალოს ქართულ ფონდიუდ.
200
200
გრ.
დამბალხაჭო
100
100
მლ.
ერბო
15
15
გრ.
ნიორი
ხაჭოერბო აუცილებლად სქელძირიან ქვაბში ან ტაფაზე უნდა მომზადდეს. მისი მთავარი ინგრედიენტია დამბალხაჭო, რომელსაც ფშავში აკეთებენ.
დამბალხაჭოს ობი შემოაცალეთ და წვრილად დაჭერით ან გახეხეთ. შემოდგით ტაფა ცეცხლზე და ჩაუშვით ერბო, რომ შეცხელდება ჩაყარეთ დამბალხაჭო და ცეცხლს დაუწიეთ. ხაჭომ დნობა უნდა დაიწყოს, მაგრამ ბოლომდე არ უნდა გადნეს, პატარ-პატარა ნაჭრები უნდა დარჩეს. გადმოდგით ცეცხლიდან და მიირთვით პურთან ერთად. გემრიელია ნიორთან ერთადაც, ფშავში ხილის არაყთან ერთად მიირთმევენ.
სერვირება
ხაჭოერბოს სერვირება ცოტა რთულია, რადგან სწრაფად ცივდება. ამიტომ, ჯობს პირდაპირ ლამაზი რკინის ან თუჯის ქვაბით დადგათ სუფრაზე, თუ ოჯახურ გარემოში ხართ.
თუ მაინც ინდივიდუალურად გადაწყვეტთ სერვირებას, ჭურჭელი, რომელშიც აპირებთ მის გადატანას, აუცლებლად წინასწარ შეათბეთ.
დააჭირეთ აქ თუ მოამზადეთ კერძი
29 
27 
30-60 წუთი
საშუალო
500+ კკალ
