ერთ-ერთი ყველაზე გავლენიანი კულინარიული ჟურნალი, Le Chef Magazine, დაუბრუნდა პუბლიცისტიკას და 2016 წლის 100 საუკეთესო შეფის სიაც შემოგვთავაზა. აღსანიშნავია გამოკითხვის ინოვაციური მეთოდიც - საუკეთესო შეფებს მიშლენის 2 და 3 ვარსკვლავის მფლობელი რესტორნების შეფები ირჩევდნენ. 2016 წლის 100 საუკეთესო შეფიდან 36 ფრანგია, 11 - იაპონელი, 9 - ამერიკელი. წლევანდელ სიაში აღმოჩნდნენ შეფები პერუდან, ჩილედან და მექსიკიდანაც. მაშ ასე, გადავავლოთ თვალი 10 რჩეულს:
მისი რესტორანი 1999 წელს გაიხსნა და 3 მიშლენის ვარსკვლავი აქვს. შეფი გამოირჩევა კერძებში ცოცხალი ყვავილების გამოყენების სიყვარულით. 2015 წლიდან, მიშელ ბრასი და მისი იაპონელი მეგობარი KAI პროფესიონალური სამზარეულოს დანების ბიზნესს ფლობენ.
პიერ განიერი არის „ახალი სამზარეულოს“ (nouvelle cuisine), „ფიუჟენისა“ და „მოლეკულური სამზარეულოს“ მიმართულებების ერთ-ერთი ფუძემდებელი. მას აქვს არაერთი რესტორანი როგორც საფრანგეთში, ისე ტოკიოში, ლონდონსა და მოსკოვში. თავად შეფი აღნიშნავს, რომ იგი მომავალში იხედება, თუმცა პატივს სცემს წარსულს.
შეფი ცდილობს დაანახოს საზოგადოებას, რომ იაპონური სამზარეულო ქვეყნის სიმდიდრის სიმბოლოა.
წარმოშობით ფრანდი, ალან დუკასის 3 რესტორანი მიშლენის 3 ვარსკვლავის მფლობელია.
პასკალ ბარბოს 7 წლიდან უნდოდა შეფობა. საყვარელი საქმე საფრანგეთის და ავსტრალიის საუკეთესო რესტორნებში შეისწავლა. 2005 წელს საფრანგეთის საუკეთესო მზარეულის წოდება მიიღო.
მისი რესტორანი ასევეა მიშლენის 3 ვარსკვლავის მფლობელი. ემანუელ რენაუს კრიტიკოსები აფასებენ როგორც „ახალი თაობის შეფს“.
მარტინი ერთ-ერთი ყველაზე წარმატებული ბასკი შეფია. მას ჯამში მიშლენის 9 ვარსკვლავი აქვს.
ბენუა ნახევრად ფრანგი, ნახევრად შვეიცარიელი შეფი იყო. მის რესტორანს მიშლენის 3 ვარსკვლავი აქვს. სამწუხაროდ, ბენუა ვიოლერმა, 2016 წლის 31 იანვარს თავი მოიკლა.
ხუან როკა ერთ-ერთი ყველაზე წარმატებული ესპანელი მზარეული და პედაგოგია. 2015 წელს მისი რესტორანი მსოფლიოში საუკეთესოდ დაასახელა ჟურნალმა „Restaurant”.
