ნიგვზიანი ლობიო

60+ წუთი

საშუალო

მძიმე

201-500 კკალ

ინგრედიენტები

500 500 გრ. ლობიო

300 300 გრ. ნიგოზი

3 3 ხახვი

20 20 გრ. ყვითელი ყვავილი

20 20 გრ. ხმელი ქინძი

20 20 გრ. ნიორი

30 30 გრ. ოხრახუში

30 30 გრ. ქინძი

1 1 ბროწეული

20 20 გრ. უცხო სუნელი

20 20 გრ. ხმელი ქონდარი

30 30 მლ. კახური ზეთი

20 20 მლ. ძმარი

100 100 გრ. ჯონჯოლი

300 300 გრ. სიმინდის ფქვილი

საფეხური 1

ლობიო გავარჩიოთ, გავრეცხოთ და დავალბოთ მთელი ღამით. გამოვუცვალოთ წყალი და ავადუღოთ. ნახარში გადავღვაროთ. ისევ ჩავასხათ ცივი წყალი და ავადუღოთ. დავაფაროთ თავსახური მომზადებამდე.

საფეხური 2

მზა ლობიო გადმოვიღოთ საწურზე. ცოტაოდენი წვენი შევინახოთ, რათა კერძს ბოლოს დავუმატოთ.

საფეხური 3

გარჩეული ნიგოზი, ნიორი, ყვითელი ყვავილი, მარილი, ქონდარი, დარიჩინი (დამატებითი ინგრედიენტი სურვილის და გემოვნების მიხედვით), ხმელი ქინძი, უცხო სუნელი 2-ჯერ გავატაროთ ხორცსაკეპში (შეიძლება ბლენდერშიც). ნაზავი შევურიოთ მოხარშულ ლობიოს და დავუმატოთ წვრილად დაჭრილი (დაკეპილი) თავიანი ხახვი, ძმარი (ან ბროწეულის წვენი), ქორფა მწვანილი და დავამატოთ ცოტა ლობიოს ნახარში. ფრთხილად ავურიოთ.

სერვირება

გამზადებული ლობიო ფრთხილად გადმოვიღოთ თიხის ქოთანში. გავაფორმოთ ბროწეულის მარცვლებით და ზემოთ ხსენებული ჯონჯოლით. შეგიძლიათ 300 გრამის ოდენობის სიმინდის ფქვილისგან გამოაცხოთ მჭადი და მიირთვათ ლობიოსთან ერთად.

დააჭირეთ აქ თუ მოამზადეთ კერძი