ლობიო წყალში დავალბოთ, წინა დღით, წყალი ორჯერ გადავუღვაროთ. შემდეგ მოვხარშოთ და ხარშვის დროსაც 2 ჯერ გადავღვაროთ წყალი. 500გ მოხარშული ლობიო გადავწუროთ და გავაგრილოთ. ცალკე შევზილოთ 250გ გადატარებული ნიგოზი, 1 ჩაის კოვზი ხმელი ქინძი, ½ ჩაის კოვზი ხმელი ქონდარი, ½ კოვზი ყვითელი ყვავილი, ცხარე დაღერღილი წიწაკა გემოვნებით და მარილი გემოვნებით. ცალკე სანაყში დავნაყოთ 3-4ღერო ოხრახუში და 2 კბილი ნიორი, შემდეგ შევურიოთ ნიგვზიან მასას, და ერთად შევზილოთ ლობიოს. ბოლოს მოვაყაროთ წვრილად დაჭრილი ხახვი.
