ჭვიშტარის ნაირსახეობა

30-60 წუთი

საშუალო

500+ კკალ

მიუხედავად მჭადისა და ღომისა, სიმინდის ფქვილს, არც თუ ისე დიდი გამოყენება აქვს ქართულ კულინარიაში. სიმინდის პური ნაკლებად ცნობილია, მაგრამ სოფელ კურძუში კეთდება სიმინდის ხაჭაპური, რომელიც ძალიან გავს სიმინდის პურს. გაკეთება მარტივია, გემო ძალიან სასიამოვნო.

ეს კერძი მშვენიერია მეგობრების წრეში საცმუცნაოდ.

ინგრედიენტები

350 350 გრ. სიმინდის ფქვილი

200 200 გრ. ხორბლის ფქვილი

2 2 კვერცხი

130 130 მლ. რძე

800 800 მლ. მაწონი

15 15 გრ. სოდა

250 250 გრ. სულგუნი

250 250 გრ. იმერული ყველი

საფეხური 1

ორივე ფქვილი გაცერით ღრმა ჭურჭელში, ათქვიფეთ კვერცხი და შეურიეთ ფქვილი.

საფეხური 2

შემდეგ ნელნელა შეურიეთ მაწონი და რძე, ისე რომ ცომი იყოს დაახლოებით ხაჭაპურის და მჭადის ცომების კონსისტენციის შუალედური. მოზილეთ მინიმუმ 10 წუთი, რაც ხორბლის ფქვილს მისცემს წებოგვარად გააქტიურების უნარს და ცომს ცოტათი წელვადს გახდის. ცომი გაყავით ორ თანაბარ ნაწილად.

საფეხური 3

არც სულგუნი და არც იმერული ყველი არ უნდა იყოს ჭყინტი, რაც შეიძლება მშრალი და მკვრივი. დასრისეთ ორივე ყველი ხელით, პარალელურად კეცს ან ტაფას წაუსვით თხელი ფენა ზეთი, ჩააფინეთ ნახევარი ცომი შიგნით, მოაყარეთ ყველი და ცომის მეორე ნაწილით გადაფარეთ.

საფეხური 4

მოათავსეთ ღუმელში, 230 გრადუსზე 23 წუთით, მანამ სანამ გარსი არ გახდება მუქი ოქროსფერი. თუ ღუმელი არ გინდათ, მაშინ ტაფაზე, 10 წუთი ერთ მხარეს 10 წუთი მეორე მხარეს.