მე ვარ იანა კუცი, წარმოშობით კიევიდან, უკრაინიდან.
იმის მიუხედავად, რომ მზარეულის ოჯახში დავიბადე, ჩემი გზა კულინარიის სამყაროში მოგზაურობამდე 30 წელი გაგრძელდა. ვერასოდეს ვიფიქრებდი, რომ ასეთი დიდი მონდომებით შევისწავლიდი მთელი მსოფლიოს კულინარიის ისტორიას, მაგრამ როგორც ამბობენ, “გენები არ იკარგება".
ჩემი ბავშვობა სხვებივით მხიარული იყო, გავიზარდე სპორტულ ატმოსფეროში, რადგან მამაჩემი ველოსპორტის ჩემპიონი და ოსტატია. თავიდან მამაჩემის გზას გავყევი, მთელ შაბათ-კვირას კორტებზე, ჩოგბურთის თამაშში, ველოსიპედებსა და ველურ ლაშქრობებში ვატარებდი. მთელი დარჩენილი დროის განმავლობაში კი ფრენბურთით პროფესიონალურად ვიყავი დაკავებული, ვსწავლობდი მუსიკას, ზეთით ხატვას და საცირკო ხელოვნებასაც კი.
მოკლედ, ჩემს მიზანს ვეძებდი, რამაც ჩემი მშობლებისთვის ძალიან გასაოცარ არჩევანამდე მიმიყვანა. სკოლის დამთავრების შემდეგ ჩავაბარე შინაგან საქმეთა სამინისტროში (შსს) კრიმინალისტის სპეციალობაზე. ყველას აინტერესებს რა იმალება უდარდელი ცხოვრების მეორე მხარეს. შედეგად ვისწავლე, მივიღე გამოცდილება და გადავწყვიტე მიმეტოვებინა პროფესიული საქმიანობა. ჩემი ცხოვრება რადიკალურად შეიცვალა კრიმინალისტიდან კიევის იმ დროისთვის საუკეთესო ღამის კლუბის, Sound Planet-ის სამხატვრო დირექტორობამდე. სწორედ აქ დაიწყო ჩემი გიჟური სამსახური, რომელიც 8 წლის განმავლობაში გრძელდებოდა მუდმივი ტურნეებით, ფრენებით, კონცერტებით, ფესტივალებით და მუსიკის სამყაროსთან ურთიერთობით. ეს იყო დაუვიწყარი გამოცდილება.
მთელი ჩემი მოგზაურობის განმავლობაში, დავაგემოვნე უამრავი სხვადასხვა კერძი და მოვისმინე ისტორიები გარკვეული პროდუქტების და კერძების წარმოშობის შესახებ და წლების გასვლასთან ერთად, კულინარიისადმი ჩემი ინტერესიც იზრდებოდა. როგორც მახსოვს, როდესაც პირველად წავიკითხე ნიკოლ კელბის წიგნი დიდი შეფ-მზარეულის, ოგიუსტ ესკოფიეს ცხოვრებაზე, იმავე წელს გადავწყვიტე უფრო კონკრეტულად შემესწავლა კულინარიის სამყარო. ჩავალაგე ჩანთები, ჩავაბარე იტალიაში Cordon Bleu-ს სკოლაში და აღმოვაჩინე კულინარიული ქიმიის მშვენიერი სამყარო. ეს იყო ისტორიაში, ექსპერიმენტებში, ნამცხვრებსა და სოუსებში ჩაძირვის საოცარი თვეები. როგორც ჩანს, ამ პერიოდმა ყველაზე ბედნიერი ადამიანი გამხადა. კიევში დაბრუნებისთანავე შემომთავაზეს დინამო ლუქსის კომპლექსში შეფ-მზარეულად მუშაობა, სადაც ფატობრივად მომავალი მეუღლე, გიორგი, გავიცანი. ეს კი არის მიზეზი, თუ რატომ გადმოვედი საქართველოში!
საქართველოში შეფ-მზარეულად ვმუშაობდი რესტორან Neocca-სა და Leuville-ში, ასევე გავხდი ქართული კულინარიული შოუს, მასტერშეფის ფინალისტი. ამ ეტაპზე ვარ Oh My Cookness-ის, ბიო ორგანული პროდუქტების მაღაზიის მფლობელი ბათუმში, სადაც მე და მამაჩემმა თითოეული თარო საკუთარი ხელით გავაკეთეთ. ყველაფერი კი ჯერ წინ არის ! საბოლოოდ, ჩემმა გადაწყვეტილებამ, შემესწავლა კულინარიული სამყარო, განსაზღვრა ჩემი აწმყო და მომავალი !
