შოკოლადის ჩიზქეიქი “შავი ტყე”

30-60 წუთი

საშუალო

მძიმე

500+ კკალ

გამარჯობა, მე ვარ ბუკა, ბუკას ბეიქერის შეფ-კონდიტერი.

ყველაფერი დაიწყო 11 წლის წინ, როდესაც დესერტების მომზადება სამოყვარულო დონეზე ჩემს ჰობიდ იქცა.

ამ საქმის სიყვარულმა გადამაწყვეტინა ჩემი შესაძლებლობები კულინარიის აკადემიაში მომესინჯა. იქ მიღებულმა განათლებამ საბოლოოდ დამარწმუნა ჩემი პროფესიის სისწორეში და კურსის დასრულების შემდეგ 2019 წელს, ჩემს დასთან ერთად გავხსენი საკონდიტრო “ბუკას ბეიქერი”.

ჩვენთან წარმოდგენილია სხვადასხვა სახეობის დესერტები, რომლებიც მზადდება უმაღლესი ხარისხის ინგრედიენტებით, ვამზადებთ ყველაზე განსხვავებული შიგთავსების და ვიზუალის მქონდე სადღესასწაულო ტორტებს და რა თქმა უნდა ყველასათვის საყვარელ დარიჩინის ფუნთუშებს.

ინგრედიენტები

ჩიზქეიქის მასა:

170 170 გრ. შავი შოკოლადი

300 300 გრ. კრემ-ყველი

75 75 გრ. შაქარი

25 25 გრ. ყავისფერი შაქარი

15 15 გრ. კაკაო

2 2 ცალი კვერცხი

1 1 ცალი კვერცხის გული

80 80 გრ. ნაღები

ალუბლის კონფი:

125 125 გრ. ალუბალი

20 20 გრ. შაქარი

5 5 გრ. სიმინდის სახამებელი

დეკორი:

60 60 გრ. კრემ-ყველი

30 30 გრ. ნაღები

30 30 გრ. შაქრის პუდრი

ჩიზქეიქის ძირი:

150 150 გრ. კაკაოს ორცხობილა

30 30 გრ. გამდნარი კარაქი

საფეხური 1

კრემ-ყველი, შაქარი, კაკაო, კვერცხი და ნაღები გავთქვიფოთ ერთგვაროვანი მასის მიღებამდე, დავამატოთ ორთქლის აბაზანაზე გამდნარი შოკოლადი ეტაპობრივად. ალუბალი წამოვადუღოთ შაქართან და სახამებელთან ერთად.

საფეხური 2

ჩიზქეიქის ძირისთვის გამოდგება ნებისმიერი კაკაოს ორცხობილა. დაბლენდერებული ორცხობილა გადავურიოთ გამდნარ კარაქს და ჩავტკეპნოთ 20 სმ დიამეტრის ფორმაში, კარგად გავაცივოთ.

საფეხური 3

ჩავასხათ ჩიზქეიქის მასა. ყალიბი ჩავდგათ ცხელ წყალში და გამოვაცხოთ 160 გრადუსზე 35-40 წუთი. ღუმელში დავტოვოთ შეგრილებამდე, გავაცივოთ მაცივარში 6-7 საათი და ამის შემდეგ დავადეკოროთ ალუბლის კონფით და კრემ-ყველის კრემით.