სააღდგომო პასკა

60+ წუთი

რთული

მსუბუქი

ყველა ოჯახში პასკას აცხობენ სხვადასხვა რეცეპტით. გთავაზობთ ერთ-ერთ ტრადიციულ რეცეპტს ეკა ნაცვლიშვილისგან.

ინგრედიენტები

3,5 3,5 კგ. ფქვილი

15 15 კვერცხი

600 600 გრ. კარაქი

1,7 1,7 კგ. შაქარი

200 200 მლ. ზეთი

125 125 გრ. საფუარი

1,5 1,5 ლიტრი რძე

100 100 მლ. კონიაკი

1 1 ჩაის კოვზი ლიმნის ცედრა

1 1 ჩაის კოვზი შაფრანი

1 1 ჩაის კოვზი მუსკატი

1 1 ჩაის კოვზი დარიჩინი

1 1 ჩაის კოვზი ილი

1 1 მწიკვი მიხაკი

600 600 გრ. კიშმიში

20 20 გრ. მარილი

საფეხური 1

კვერცხი და შაქარი მსუბუქად ავთქვიფოთ ერთმანეთში, დავამატოთ წინასწარ დაყენებული სუნელები, შემდეგ დავამატოთ მომზადებული ოპარა. ოპარის მოსამზადებლად ცოტა შაქარი, საფუარი, თბილი რძე და ფქვილის ნაწილი კარგად ავურიოთ ერთმანეთში, დავაცადოთ რომ საფუარმა დაიწყოს მოქმედება.

საფეხური 2

უკვე ერთიან მასას დავამატოთ დამდნარი კარაქი და დავიწყოთ ფქვილის ცოტ-ცოტა შეზავება. საკმარისი ფქვილის შეზავების შემდეგ, დავამატოთ ზეთი და კიდევ ერთხელ ავურიოთ.

საფეხური 3

მიღებული ცომი მოვათავსოთ ფორმებში, ისე რომ შეივსოს ფორმის ნახევარი და დავტოვოთ სითბოში გასაფუებლად (შესაძლებელია 40 გრადუსადმე გამთბარ ღუმელში დალოდება). თუ შესაბამისი სითბო იქნება, ამოსვლისთვის 1 საათი საკმარისია. ამოსულ ცომს ფუნჯით ფრთხილად წავუსვათ რძესთან ათქვეფილი კვერცხის გული. გამოვაცხოთ 160 გრადუსზე, დაახლოვებით 1 საათის განმავლობაში (გააჩნია ღუმელს) სრულ გამოშრობამდე. შეგვიძლია გავსინჯოთ ჩხირით (გასასინჯი ჩხირი ცომიდან უნდა ამოვიდეს მშრალად)