ბებოს ლიმონის რულეტი

60+ წუთი

საშუალო

მსუბუქი

201-500 კკალ

ინგრედიენტები

ბისკვიტი

7 7 კვერცხი

7 7 სუფრის კოვზი შაქარი

7 7 სუფრის კოვზი ფქვილი

შიგთავსი

2 2 დიდი ლიმონი

1 1 ჩხირი ვანილი

შაქარი გემოვნებით

მოსართავად

200 200 გრ. თეთრი შოკოლადი

100 100 მლ. ნაღები

საფეხური 1

ღუმელი გავახუროთ 170 გრადუსამდე. მოვამზადოთ საცხობი ლანგარი, ჩავფინოთ პერგამენტის ქაღალდი ან სილიკონი.

საფეხური 2

7 კვერცხის ცილა კარგად ავთქვიფოთ, ნელ-ნელა დავამატოთ შაქარი. როდესაც კარგ ბეზეს ამოვიყვანთ, ცალობით ჩავამატოთ კვერცხის გული და ისევ გადავთქვიფოთ ხელით ან მიქსერით. ბოლოს, ნელ-ნელა ჩავამატოთ ფქვილი და დელიკატურად მოვურიოთ ხის კოვზით. გამზადებული ბისკვიტის ცომი დავასხათ საცხობ ლანგარს და შევდგათ ღუმელში დაახლოებით 15 წუთით.

საფეხური 3

სანამ რულეტის ბისკვიტი ცხვება, გავხეხოთ ლიმონები. დავამატოთ ვანილის მარცვლები და შაქარი გემოვნებით. როდესაც ბისკვიტი გახდება ოქროსფერი, გამოვიღოთ და სანამ თბილია წავუსვათ ლიმონის შიგთავსი. დავახვიოთ რულეტი.

საფეხური 4

რულეტის მოსასხმელად გამოვიყენებთ თეთრი შოკოლადის განაშს. ნაღები მივიყვანით ადუღებამდე და დავასხათ შოკოლადს. შოკოლადი უნდა გალღვეს და მასა გახდეს ერთგვაროვანი.