რესტორანი შუშაბანდი მდებარეობს ქალაქის ისტორიისთვის მნიშვნელოვან ადგილას, ღვინის ქარხნის ტერიტორიაზე. სასიამოვნო გარემო, უნიკალური კერძები, ტრადიციებისა და თანამედროვეობის შერწყმა, რომელიც გამოიხატება როგორც ინტერიერში, ასევე კერძებსა და სასმელებში.

გულიანი გრუპის დამფუძნებლებს გაუჩნდათ იდეა ღვინის ქარხნის ტერიტორიაზე შეექმნათ ისეთი სივრცე, რომელიც თანხვედრაში იქნებოდა მოცემული ტერიტორიის ისტორიასთან.

“ჩვენი მთავარი მიზანია ჩვენთან მოსულ სტუმრებს შევთავაზოთ სასიამოვნო გარემო და დაუვიწყარი კულინარიული გამოცდილება.

შუშაბანდი წარმოდგენილია ქართული თანამედროვე სამზარეულოთი, რომელიც სტუმრებს სთავაზობს გარკვეულ კერძებს ევროპული სამზარეულოდანაც. ჩვენ საკმაოდ ხშირად ვაახლებთ მენიუს და ვთავაზობთ  მომხმარებლებს ჩვენი შეფის მიერ სპეციალურად შუშაბანდისთვის შექმნილ გამორჩეულ კერძებს. დამეთანხმებით, არაფერი უხდება გემრიელ კერძს ისე, როგორც სწორად შერჩეული ღვინო, შესაბამისად, რესტორნის ადგილმდებარეობიდან გამომდინარე, სასმელების მენიუ წარმოდგენილია 150-მდე დასახელების ღვინით, რომლის შერჩევაც ხდება დიდი გულმოდგინებით, რათა ჩვენს სტუმრებს შევთავაზოთ მუდამ საუკეთესო და განსხვავებული.

ჯერ კიდევ 5 წლის წინ დავისახეთ მიზნად შეგვეთავაზებინა ჩვენი მომხმარებლებისთვის ხარისხიანი მომსახურება და შეგვექმნა საკუთარი სახელი ადგილის დასამკვიდრებლად ქართულ სტუმარ-მასპინძლობის სფეროში. ამის დასტურია Gault&Millau-ს ხარისხის ნიშანი, რომელიც მიღებული გვაქვს გახსნის წლიდან მოყოლებული დღემდე. აქედან გამომდინარე, ჩვენთვის უმთავრეს პრიორიტეტს წარმოადგენს ხარისხის მუდმივი გაუმჯობესება.”