«Posta» restorani Gruziya pochtasining tarixiy binosida joylashgan. Uning konsepsiyasi eski va yangi unsurlarning uyg‘unlashuviga asoslangan bo‘lib, tashrif buyuruvchilar uchun yoqimli va o‘ziga xos muhit yaratadi.

Restoranni tashkil etish g‘oyasi Gruziyada ilk Radisson RED mehmonxonasining ochilishi bilan chambarchas bog‘liq. Bu — insonlar yoqimli muhitda jam bo‘lib, mazali taomlardan bahramand bo‘ladigan va unutilmas lahzalarni birga o‘tkazadigan maskan. Yashillikka burkangan italyancha hovli va Tbilisiga xos ayvonlar toza havoda salqin oqshomni maroqli o‘tkazishni istaganlarni befarq qoldirmaydi. Zamonaviy interyer esa mehmonlarga qulaylik, shinamlik va haqiqiy hordiq bag‘ishlash uchun yaratilgan.

"Posta" restorani O‘rta Yer dengizi oshxonasining nafis taomlarini Gruziya gastronomiyasining betakror va nozik didli durdonalari bilan uyg‘unlashtirgan o‘ziga xos konsepsiyaga ixtisoslashgan. Bizning asosiy yo‘nalishlarimizdan biri — miksologiya san’ati. Ishonch bilan ayta olamizki, aynan bizda shahardagi eng sara va betakror kokteyllardan bahramand bo‘lishingiz mumkin.

"Posta" restoranining bosh oshpazi Natiya Glonti — zamonaviy gastronomiya olamida yangi avlod sheflarining eng yorqin va iste’dodli vakillaridan biridir. Natiya boy xalqaro tajribaga ega bo‘lib, uning mahorati va dunyo oshxonalaridan olgan ilhomi u tayyorlagan har bir taomda yaqqol namoyon bo‘ladi. Bosh oshpaz betakror ta’mlar bilan bir qatorda, mehmonlarga mutlaqo yangi va unutilmas gastronomik taassurotlarni ham taqdim etadi.

O‘rta yer dengizi oshxonasining taomlari bilan bir qatorda, menyuda Gruziya taomlari ham alohida o‘rin egallagan. Faoliyatining ilk yilidayoq restoran mehmonlarining alohida e’tiborini "Kaliya" sendvichi qozondi. Unda bosh oshpazlar unutilib borayotgan an’anaviy gruzin taomiga zamonaviy talqin berib, yangi hayot baxsh etdilar. "Shuningdek, biz maxsus retseptlar asosida tayyorlanadigan go‘shtli taomlar, sendvichlar va burgerlarning keng assortimentini ham taklif etamiz. Mehmonlarimiz, ayniqsa, anjir murabbosi bilan tortiladigan o‘ziga xos qatlamli xachapurimizni va faqat "Posta" restoranidagina tatib ko‘rish mumkin bo‘lgan nafis desertlarimizni juda qadrlashadi. Menyumizda har qanday did va afzalliklarga mos keladigan vegetarian hamda vegan taomlarning keng tanlovi mavjud", — deydi marketing direktori Beso Goginava.

"Posta" restoranida mazali taomlar, yuqori darajadagi servis va benuqson sifat bilan bir qatorda, mehmonlarga unutilmas muhit taqdim etish ham muhim deb hisoblanadi. Ana shu betakror taassurotni yaratishda yoqimli musiqa alohida o‘rin tutib, restoranning o‘ziga xos kayfiyati va jozibasini yanada boyitadi. Muntazam yangilanib turadigan va rang-barang taomlarga boy menyu mehmonlarni bu maskanga qayta-qayta tashrif buyurishga undaydi.

Bizning Restogid