Qovurilgan romano va qoqlangan kaeshi sarig‘i bilan tayyorlangan Skyort steyki

Skyort – go‘shtning eng o‘ziga xos bo‘laklaridan biri: tolali, to‘yingan va yaqqol ifodalangan go‘sht ta’miga ega. U 24 soat davomida donador xantal, kikoman sousi va bibariya (rozmarin) bilan marinadlanadi, shundan so‘nggina ochiq olovga qo‘yiladi. Grilda har bir tarafi ikki daqiqadan pishiriladi. Undan ortiq emas. Yonida esa romano kuchli olovda 20 soniya qovuriladi – sirti biroz qarsildoq koʻrinish olib, ichi oʻz holatini saqlab qoladi. Ustiga petrushka, kashnich va chili qalampiri asosidagi chimichurri sousi quyiladi, yakuniy bezak sifatida esa likopning ustidayoq qoqlangan kaeshi sarig‘i qirg‘ichdan chiqariladi va maldon tuzi parchalari sepiladi.

Qovurilgan romano va qoqlangan kaeshi sarig‘i bilan tayyorlangan Skyort steyki

Tayyorgarlik vaqti

30-60 daqiqa

Qiyinchilik

Oʻrtacha

kkal

250-500

Taom turi

Asosiy taom

Ingredientlar

Steyk va marinad

Skyort steyki

200 gr

Donador xantal

5 gr

Kikoman sousi

15 gr

O‘simlik moyi

30 ml

Rozmarin

5 gr

Quritilgan sarimsoq

1 gr

Tuz va qizil qalampirni ta'mga soling

Chimichurri sousi:

Petrushka

20 gr

Kashnich

20 gr

Zaytun moyi

20 ml

Chili qalampiri

2 gr

Limon sharbati

30 ml

Sarimsoq

2 gr

Romano va dasturxonga tortish:

Romano

100 gr

Zaytun moyi

5 ml

Qoqlangan kaeshi sarig‘i

3 gr

Maldon tuzi

2 gr

Qadam

droplet

1

chef

Marinadlash
Steykni pay va pardalaridan tozalab, salfetka bilan quriting. Xantal, kikoman, o‘simlik yog‘i, bibariya (rozmarin), quritilgan sarimsoq, tuz va murch aralashtirib, marinad tayyorlang. Steykka marinadni surtib, vakuumli paketga soling va 24 soatga sovutkichga qo‘ying. Vaqt sizning foydangizga ishlaydi – go‘sht yanada yumshoqlashib, taʼmga toʻyinadi.

Qadam

droplet

2

chef

Chimichurri sousi
Petrushka, kashnich, sarimsoq va chili qalampirini hovonchada mayda fraksiya holiga kelguncha ezing. Zaytun yog‘i, limon sharbati va ziravorlar qo‘shing. Sous bir tekis pyurega o‘xshamasdan, teksturasi sezilib turadigan, jonli bo‘lishi kerak.

Taom bezagi

droplet

3

chef

Gril
Grilni eng yuqori haroratgacha qizdiring. Steykni ochiq olovda har bir tarafini 1,5 daqiqadan oshirmasdan pishiring. Steykni olishdan oldin, romano barglarini tezda qovurib oling: ustidan zaytun yog‘i va tuz sepib baland olovda 20 soniya davomida qovuring. Romano barglari salgina qizarishi, lekin sersuvligini yo‘qotmasligi lozim.
Qizdirilgan likopchaga qovurilgan romanoni qoʻyib chiqib, ustidan chimichurri sousini quying. Steykni tolalariga ko‘ndalang qilib kesib, romano ustiga qo‘ying. Go‘shtning ustida qoqlangan kaeshi sarig‘ini mayda qirg‘ichdan oʻtkazing. Taomni maldon tuzi parrakchalari bilan bezab, yakunlang.
Faqat qizdirilgan likopchada torting. Steykni tolalariga ko‘ndalang kesing – shunda uning teksturasi to‘liq namoyon boʻladi.

Izohlar