Bolonyeze raviolsi

Osteria Mario‘dagi “Bolonyeze raviolisi” bu – mumtoz taomning yangicha talqinidir. Odatda, bolonyeze talyatelle bilan birga tortiladi, biroq bu yerda go‘shtli sousning o‘zi nachinkaga aylangan: u tuxum qoʻshib qorilgan yupqa xamir ichiga tugilib, sariyog‘ va pastadan tayyorlangan ipakdek mayin emulsiya bilan birga dasturxonga tortiladi. Turli ta’b va e’tiqoddagi mehmonlarga manzur bo‘lishi uchun sous cho‘chqa go‘shti va sharob qoʻshilmasdan tayyorlanadi. Mol va tovuq go‘shti qiymasi to‘yingan va teran ta’mli quyuq nachinkaga aylanganiga qadar tomat va sabzavotlar bilan birga ikki soat davomida dimlanadi. Yakuniy strix – likopchadagi demiglyas, yangi tomat, rayhon va parmezan.

Tayyorgarlik vaqti

60+ daqiqa

Qiyinchilik

Qiyin

kkal

500+

Taom turi

Asosiy taom

Mos tushadi

Borjomi mineral suvi

Retsept muallifi

Bakay Amanbayev

Ingredientlar

9 dona

Sariyog‘

20 gr

Demiglas sousi

12 gr

Pomidorlar

20 gr

Rayhon

1 gr

Zaytun moyi

3 gr

Parmezan

10 gr

Qora murch

0.1 gr

70 gr

30 gr

Tuxun sarig'i

72 gr

Tuz

1 gr

70 gr

Tovuq oyog‘i

30 gr

Tomat

250 gr

Piyoz

45 gr

Sabzi

18 gr

Selderey poyasi

27 gr

Tovuq go'shti qaynatmasi

100 gr

Sarimsoq

3 gr

O‘simlik moyi

8 gr

Paprika

0.2 gr

Rozmarin

0.5 gr

Timyan

0.3 gr

Tuz

0.5 gr

Qora murch

0.1 gr

Qadam

Sabzavotlar – piyoz, sabzi va seldereyni taxminan 0,5 sm kattalikdagi mayda kubiklar shaklida to‘g‘rab, o‘simlik yog‘ida qovuring. Mol va tovuq qiymasini qo‘shib, rangi o‘zgargunga qadar yaxshilab aralashtirib qovuring. So‘ngra o‘z sharbatidagi pomidorlar, tovuq shoʻrvasi, sarimsoq va ziravorlarni soling. Namligi to‘liq bug‘lanib ketguncha past olovda taxminan ikki soat davomida dimlab pishiring. Oxirida tuz va murch sepib, ta’mini boyiting. Sovutishga qo‘ying.

Qadam

Un, semola, tuxum sarig‘i va tuzni aralashtirib, bir tekis, cho‘ziluvchan xamir hosil bo‘lgunicha yaxshilab mushtlang. Xamirni pishiriq plyonkasiga o‘rab, bir necha soatga sovutkichga qo‘ying. Qalinligi taxminan 1 mm bo‘lguncha juda yupqa qilib yoying. Sovutilgan bolonezyedan koptokchalar yasab, xamirning birinchi qavatiga terib chiqing. Ustini ikkinchi qavat xamir bilan yoping va ravioli shaklini berib, kesib oling.

Raviolini tuzli suvda uch daqiqa pishirib oling. So‘ngra oʻzi pishgan bir oz suv bilan qizdirilgan tovaga soling, sariyog‘ qo‘shib, raviolilarni ezib yubormasdan ipakdek emulsiya hosil bo‘lguncha tez-tez aralashtiring.

Raviolini sous bilan qizdirilgan likopchaga solib, butun yuzasiga qaynioq demiglyas quying. Ustiga kubik shaklda to‘g‘ralgan tomat, zaytun moyi, yangi yanchilgan murch, rayhon barglari qoʻyib, likopchaning ustida parmezanni mayda qirg‘ichdan oʻtkazib soling.

Taom bezagi

Dasturxonga faqat issiq holda va qizdirilgan likopchada torting. Agar taom ko‘pchilik uchun tayyorlanayotgan bo‘lsa, mehmonlar raviolini shikast yetkazmay olishlari uchun alohida qoshiq qo‘ying.

Izohlar