მე ვარ გაგა გაგნიძე, სასტუმრო Glarros OldTown - ის აღმასრულებელი შეფ-მზარეული.
13 წელია ვმუშაობ კულინარიის სფეროში და ამ პერიოდის მანძილზე, მონაწილეობა მივიღე სხვადასხვა ბრენდული, საერთაშორისო თუ ლოკალური სასტუმროს გახსნასა და ოპერირებაში.
მიმუშავია საერთაშორისო ბრენდის სასტუმროებში როგორიცაა: Radisson, Hualing, Mercury, Holiday inn და ა.შ.
რამდენიმე წელი ვცხოვრობდი და ვმუშაობდი კუნძულ კვიპროსზე, სადაც ხმელთაშუა ზღვის პროდუქტებთან მუშაობის ძალიან დიდი და საინტერესო გამოცდილება მივიღე.
სამშობლოში დაბრუნების შემდგომ, მონაწილეობა მივიღე Asado Steakhouse - ის გახსნაში, სადაც დამხვდა ახალი გამოწვევები და ავითვისე ხორცპროდუქტების დავარგებისა და ჯოსპერის გრილზე მომზადების ტექნოლოგია.
ამჟამად, ჩემს კულინარიულ გუნდთან ერთად, რესტორან „გასტრომანიაში“ ყოველდღიურად ვცდილობ დავხვეწო და გავაუმჯობესო მენიუში წარმოდგენილი უგემრიელესი კერძები.
საოცრად სასიამოვნო განცდაა, თითოეული კმაყოფილი სტუმრის მიერ გაზიარებული ემოციები.
მადლიერი ვარ ჩემი კულინარიული გუნდის, თავდაუზოგავი შრომისა და ერთგულებისთვის. მათთან ერთად ყოველი ახალი დღე საინტერესო გამოცდილებისა და საერთო წარმატების საწინდარია.
250
250
გრ.
ორაგულის ფილე
100
100
გრ.
შავი ბრინჯი
100
100
გრ.
გოგრა
20
20
მლ.
ზეითუნის ზეთი
20
20
გრ.
ნიორი
50
50
გრ.
ბოსტნეულის ნახარში
2
2
გრ.
მარილი
2
2
გრ.
პილპილის მიქსი
2
2
გრ.
მიკრომწვანილი
30
30
გრ.
კარაქი
50
50
გრ.
ლიმონი
3
3
გრ.
სეზამის მარცვლების მიქსი
15
15
გრ.
ოხრახუში
10
10
მლ.
სოიოს სოუსი
30
30
გრ.
თეთრი ხახვი
10
10
გრ.
კოჭა
ორაგულის ფილეს მოვასხამთ ზეითუნის ზეთს, მოვაყრით მარილს და პილპილს, შევწვავთ 180 გრადუსზე (თითო მხრიდან 1.5 წუთის განმავლობაში)
შავ ბრინჯს გავრეცხავთ და დავდგამთ მოსახარშად. მოხარშვის შემდეგ ვამატებთ სოიოს სოუსს, დაჭრილ ოხრახუშს, ლიმონის წვენსა და პილპილს.
გოგრას, თეთრს ხახვს, ნიორს და ცოტაოდენ კოჭას მოვბრაწავთ, ოქროსფერი რომ გახდეს
შემდეგ ვამატებთ ბოსტნეულის ბულიონს. მოვხარშავთ და შემდეგ ვაბლენდერებთ
სოუსის მოსამზადებლად წამოვადუღებთ 50 მლ ნაღებს (18%) და დავადუღებთ შესქელებამდე. დავუმატებთ ლიმონის წვენს, ცედრას, მარილს და პილპილს.
სერვირებისთვის თეფშზე დავასხათ გოგრის პიურე, დავდოთ ბრინჯი და ორაგულის ფილე, მოვასხათ სოუსი, მოვაყაროთ სეზამის მარცვლები და გოგრის თესლი, გავაფორმოთ მიკრო მწვანილებით და ბოლოკის თხელი ნაჭრებით.
სერვირება
გემრიელად მიირთვით !
დააჭირეთ აქ თუ მოამზადეთ კერძი
