• გასტრო გიდი

    შეფები

    რჩევები

    რეცეპტები

  • ბორჯომი კერძებთან

  • GEO

ვარდისფერი აკროშკა

თეონა ჩიხლაძე პროფესიით ფსიქოლოგი და საზოგადოებასთან ურთიერთობის სპეციალისტია - “კულინარიით ბავშვობიდან ვარ გატაცებული. არ ყოფილა კონკრეტული დღე, როდესაც გადავწყვიტე კულინარიის შესწავლა, ეს თანდათან მოხდა, სამზარეულოში დედის ყურებით, რომელიც შესანიშნავი კულინარია. სამზარეულო იყო ერთ-ერთი იმ ადგილებიდან სადაც დედასთან ვურთიერთობდი. სამსახურიდან მოსული, მალევე იწყებდა ჯადოქრობას სამზარეულოში, მე კი მონატრებულ დედასთან ვიდექი და ვსაუბრობდი, ვუყვებოდი განვლილი დღის ამბებს. ეს დრო აღმოჩნდა ჩემთვის კულინარიის აკადემიაც და დედის სახით საუკეთესო მეგობრის შეძენის შესაძლებლობაც. ასე ვისწავლე ჯადოქრობა სამზარეულოში.
თითქმის არასდროს ვკითხულობ რეცეპტს, დაგემოვნებისას ვიგებ ყველა ინგრედიენტს და თქვენ წარმოიდგინეთ, მომზადების ტექნოლოგიასაც, არასდროს ვერიდები იმპროვიზაციებს.
ჩვენს ოჯახში, დიდი დოზით არსებული უკრაინულ-რუსული გენების გავლენით, ზაფხულის ერთ-ერთი ყველაზე პოპულარული კერძი იყო აკროშკა, რომელშიც, ამჯერად ჩემი იმპროვიზაციით, “ბორჯომი” და ფერისთვის ჭარხლის წვენი დავამატე.
იმედი მაქვს მოგეწონებათ და ზაფხულის ცხელ დღეებს სასიამოვნოდ გაგიგრილებთ ცივი აკროშკა.”
 

ვარდისფერი აკროშკა

მომზადების დრო

0-30 წთ

სირთულე

მარტივი

კალორიები

250-500 კალორია

საჭმლის ტიპი

სტარტერი

თეონა ჩიხლაზე

რეცეპტის ავტორი

თეონა ჩიხლაზე

ვარდისფერი აკროშკა

ინგრედიენტები

მაწონი

500 მილილიტრი

არაჟანი

500 მილილიტრი

"ბორჯომი" ან ადუღებული, გაცივებული წყალი

500 მილილიტრი

საშუალო ზომის მოხარშული კარტოფილი

2 ცალი

მოხარშული კვერცხი

2 ცალი

ჭარხალი

1 ცალი

ბოლოკი

300 გრამი

უცხიმო ლორი

200 გრამი

მწვანე ხახვი

40 გრამი

კამა

40 გრამი

ტარხუნა

20 გრამი

მარილი

2 მწიკვი

შავი პილპილი

1 მწიკვი

საფეხური

droplet

1

chef

ბოსტნეულს და მოხარშულ კვერცხს ვჭრით პატარა კუბებად. მწვანილს ვჭრით წვრილად.

საფეხური

droplet

2

chef
მაწონს და არაჟანს ვურევთ ერთმანეთში, ვამატებთ “ბორჯომს” (ან წყალს)

საფეხური

droplet

3

chef
ვამატებთ ერთ უმად გახეხილი ჭარხლის წვენს (ფერისთვის, თუ ვარდისფერი გვინდა, კლასიკური აკროშკა თეთრი ფერისაა). ვამატებთ მარილს და პილპილს. ვყრით ბოსტნეულს და მწვანილს, ვურევთ.

სერვირება

droplet

4

chef
მივირთმევთ ცივად. შესაძლებელია ყინულის დამატებაც ინდივიდუალურად თეფშში.

Comments

Most Recent

ნავიგაცია

  • გასტრო გიდი
  • ბორჯომი კერძებთან

ლინკები

  • გახდი ბორჯომის დისტრიბუტორი
  • უკუკავშირი

Developed By Leavingstone

Developed By Leavingstone