სტაფილოს ტორტი

ღუმელს ვახურებთ წინასწარ 180 ° ზე. 
ნიგოზს ვჭრით მსხვილად და ვხალავთ. სტაფილოს ვხეხავთ მსხვილ სახეხზე და ვინახავთ ცალკე თასში.

ცალკე თასში ვათავსებთ: ფქვილს, სოდას, გამაფხვიერებელს და დარიჩინს და კარგად ვურევთ. 
მეორე თასში ვთქვეფთ კვერცხს და შაქარს გათეთრებამდე, ვამატებთ ვანილს და ზეთს. შემდეგ ვამატებთ მშრალ ინგრედიენტებს.

როდესაც მასა გაერთიანდება, ვამატებთ მოხალულ ნიგოზს და გახეხილ სტაფილოს. ხელით ვურევთ კარგად. 
დაგვჭირდება ორი ცალი 23-24 სმ დიამეტრის ფორმა. ფორმებში ვაკრავთ საცხობ ქაღალდს და კიდეებზე ვუსვამთ ცხიმს. ცომს ვანაწილებთ ორივე ფორმაში თანაბრად და ვდგამთ გამოსაცხობად 40-50 წუთი. 

აუცილებლად შეამოწმეთ ბისკვიტის მზაობა ხის ჩხირით. 
ბისკვიტებს ვაგრილებთ ბოლომდე.  გაგრილების შემდეგ ვუსწორებთ თავებს დანის მეშვეობით. მოჭრილი ბისკვიტი შეინახეთ ზემოდან მოსაყრელად.

მოვამზადოთ კრემი: ოთახის ტემპერატურის კარაქს ვთქვეფთ, ვამატებთ კრემ ყველს, შაქრის პუდრს და ვანილს, ვაერთიანებთ მასას და კრემიც მზად არის. სურვილის მიხედვით გადაგვაქვს კრემი საკონდიტრო ტომარაში, ვანაწილებთ პირველი ბისკვიტის ზედაპირზე, ვაფარებთ მეორე ბისკვიტს და დარჩენილ კრემს ვანაწილებთ მეორე ბისკვიტის ზედაპირზე. მორჩენილ ბისკვიტს კი ვაყრით ტორტის კიდეებზე.

გემრიელად მიირთვით!