რავიოლი ბოლონეზე

 ბოსტნეული — ხახვი, სტაფილო, ნიახური  — წვრილად დაჭერით კუბიკებად დაახლოებით 0,5 სმ და შეწვით მცენარეულ ზეთზე. დაუმატეთ საქონლის ხორცის და ქათმის ფარში და კარგად შეწვით მკვეთრი შეფერილობის მიღებამდე. შემდეგ დაუმატეთ ტომატები საკუთარ წვენში, ქათმის ბულიონი, ნიორი და სანელებლები. მოთუშეთ დაბალ ცეცხლზე დაახლოებით ორი საათის განმავლობაში, წვენის აორთქლებამდე. ბოლოს მიიყვანეთ საჭირო გემოზე მარილით და წიწაკით. გააციეთ. 

 აურიეთ ფქვილი, სემოლა, კვერცხის გულები და მარილი, კარგად მოზილეთ ერთგვაროვანი, ელასტიური ცომის მიღებამდე. შეახვიეთ შესაფუთ ცელოფანში და რამდენიმე საათით შედგით მაცივარში. გააბრტყელეთ ძალიან თხლად — დაახლოებით 1 მმ. ცივი ბოლონეზესგან გააკეთეთ ბურთულები და დადეთ ცომის ერთ მხარს. დააფარეთ მეორე ნახევარი, გააკეთეთ და ამოჭერით რავიოლი.

 რავიოლი მოხარშეთ მარილიან წყალში სამი წუთის განმავლობაში. გადაიტანეთ ცხელ ტაფაზე ცოტაოდენი დარჩენილი წყლის დამატებით, დაუმატეთ კარაქი და ინტენსიურად მოურიეთ — რავიოლის დაშლის გარეშე — აბრეშუმისებრი ემულსიის მიღებამდე.

 რავიოლი სოუსთან ერთად მოათავსეთ ცხელ თეფშზე,  მოასხით ცხელი დემი-გლასი მთელ ზედაპირზე. ზემოდან —  კუბიკებად დაჭრილი ტომატები, ზეითუნის ზეთი, დაფქული პილპილი, რეჰანის ფოთლები და პირდაპირ თეფშზე გახეხილი პარმეზანი.

 მიართვით მხოლოდ ცხელი და ცხელ თეფშზე. თუ კერძი მზადდება რამდენიმე ადამიანისთვის — მიართვით ცალკე კოვზი, რათა სტუმრებმა შეძლონ გადაიღონ რავიოლი მისი დაზიანების გარეშე.