ჯოსპერში გამომცხვარი ღორის ნეკნები

პირველ რიგში ღორის ნეკნებს ვამზადებთ ცხობისთვის, ვდებთ საცხობ ლანგარზე ვამატებთ თეთრ ღვინოს და ვაცხობთ 12 საათის განმავლობაში 100 გრადუსზე.

მეორე ეტაპზე ვამზადებთ ბარბექიუს სოუს: დავჭრათ ხახვი და ნიორი, მოვათავსოთ ქვაბში ზეთთან ერთად და მოვბრაწოთ, შემდეგ დამავატოთ კარაქი, კეტჩუპი, ყავისფერი შაქარი, თაფლი, მდოგვი, ვორჩესტერის სოუსი, ამოვურიოთ ყველა ინგრედიენტს და მივიყვანოთ ადუღებამდე. ადუღების შემდეგ გადმოვდგათ და ხელის ბლენდერით დავაბლენდეროთ, ამის შემდეგ კი გავწუროთ. სოუსი მზად არის.

12 საათიანი ცხობის შემდეგ ღორის ნეკნები გადავიტანოთ ჯოსპერში კარგად დაბრაწვისთვის, ზემოდან კი ბარბექიუს სოუსი წავუსვათ ყველა მხრიდან. მანამ, სანამ ნეკნები მზადდება მოვამზადოთ გარნირი.

გაცხელებულ ტაფაში ვასხამთ ზეთს, გადაგვაქვს ხახვი და ნიორი, შემდეგ ვამატებთ დასუვიდებულ კარტოფილს და მოგვყავს ხახვთან და ნიორთან ერთად, კარტოფილის დაბრაწვის შემდეგ ვამატებთ ბლანშირებულ ლობიოს, ჩერი პომიდორს, ხმელ ქინძს მარილს და ბოლოს გამორთულზე, მანგოლდს და მწვანე ქინძს.

გარნირი მზად არის

სერვირების ტაფაზე გადაგვაქვს ლობიოს და კარტოფილის გარნირი და ზემოდან ვალაგებთ ჯოსპერში გამომცხვარ ნეკნებს. კერძი მზად არის. გემრიელად მიირთვით!