ვერც კი ვიხსენებ დროს, როდის შემიყვარდა კულინარია, ის კი ძალიან ნათლად მახსოვს, როგორი მოწიწებით და ინტერესით ვაკვირდებოდი სამზარეულოში მოფუსფუსე ბებოს და ვთხოვდი, რომ მეც მიმეღო მონაწილეობა სადილის მზადებაში.

სწორედ იმ ღრმა ბავშვობიდან დავიწყე და დღემდე ისეთივე სიყვარულით, დისციპლინით და შრომით ვუდგები კულინარიას და მასთან დაკავშირებულ ყველა გამოწვევას, როგორც მაშინ.

ჯერ კიდევ დიდი გზა მაქვს გასავლელი, ვიცი კიდევ ბევრი კულინარიული თავგადასავალი მელოდება…ყოველთვის მინდოდა  რომ დამდგარიყო დრო, როცა შევძლებდი და ქართულ კულინარიაში დიდი გადატრიალების მონაწილე გავხდებოდი, დღემდე ასე მინდა…- ნათია ღლონტი, 27 წლის.