ფილე მინიონი ქართული ყველის სოუსით

ას ფენიანი კარტოფილის მოსამზადებლად კარტოფილი დაჭერით თხელ, 1 მმ სისქის ნაჭრებად. მართკუთხა ყალიბში მოათავსეთ კარტოფილის ფენები, თითოეულ ფენას გადაუსვით დამდნარი კარაქი და მოაყარეთ მარილი. აცხვეთ 1,5 საათი 180 გრადუსზე.

ყველის სოუსის მოსამზადებლად აადუღეთ ნაღები. დაჭერით ყველი საშუალო ზომის ნაჭრებად, მოათავსეთ ჯამში, დაასხით ადუღებული ნაღები, ჯამს გადააკარით გრინი და დააყოვნეთ 15 წუთით. შემდეგ დააბლენდერეთ ერთგვაროვანი მასის მიღებამდე. მოხარშეთ ბროკოლი დარბილებამდე. გადაწურეთ, მოათვსეთ ბლენდერში კარაქთან ერთად და ურიეთ ერთგვაროვანი მასის მიღებამდე.

სტეიკს მოაყარეთ მარილი, შეწვით გახურებულ ტაფაზე 2 ს.კ ზეთში, თითოეულ მხარეს 3-3 წუთი. შეწვის შემდეგ სერვირებამდე დააყოვნეთ 5 წუთით.

სერვირებისთვის სტეიკი დაჭერით მედალიონებად, გამომცხვარი კარტოფილი დაჭერით კუბებად და შეწვით კარაქში. თეფშზე მოათავსეთ თითო სუფრის კოვზი ყველის სოუსი და ბროკოლის პიურე, გადაიტანეთ სტეიკის მედალიონი და კარტოფილის კუბი, მორთეთ ნასტურტიუმის ყვავილებით.