დორადოს სევიჩე მწვანე აჯიკის სოუსით

თევზის ბულიონისთვის ბოსტნეული და ციტრუსი დავჭრათ, დავამატოთ თევზის ძვლები და წყალი. წამოვადუღოთ, მოვხადოთ ქაფი და საშუალო ცეცხლზე ვხარშოთ 2–3 საათი. შემდეგ გადავწუროთ და გავაციოთ

Leche de Tigre-სთვის დაბლანშირებული დორადო დანარჩენ ინგრედიენტებთან ერთად დავაბლენდეროთ. ზეითუნის ზეთი ნელ-ნელა დავამატოთ, სანამ ერთგვაროვან ემულსიას არ მივიღებთ. მანგოს სალსისთვის ავოკადო, მანგო, პომიდორი, ხახვი და ბულგარული პატარა კუბებად დავჭრათ, დავუმატოთ დარჩენილი ინგრედიენტები და ფრთხილად ავურიოთ

ლაიმის გელისთვის ლაიმის წვენი, ჯანჯაფილი, წყალი და შაქარი გავაცხელოთ. დავამატოთ აგარ-აგარი, კარგად წამოვადუღოთ, გავაციოთ და გამაგრების შემდეგ დავაბლენდეროთ. ნუშის ემულსიისთვის ნუშის რძე და მარილი დავაბლენდეროთ და მზესუმზირის ზეთი წვრილი ნაკადით შევიტანოთ

მწვანე ზეთისთვის ოხრახუში მოკლედ დავბლანშიროთ, ზეთთან ერთად დავაბლენდეროთ, გადავწუროთ და გავაციოთ.  დორადო თხელ ნაჭრებად დავჭრათ და Leche de Tigre-ში 3–4 წუთით დავამარინადოთ.
8. თეფშის ცენტრში მოვათავსოთ მანგოს სალსა, გარშემო დავასხათ სოუსი და ზემოდან დავალაგოთ დორადო

დავასრულოთ ლაიმის გელით, ნუშის ემულსიით, მწვანე და ცხარე ზეთით, ბარდის ყლორტებითა და წითელი სორელით