მე მქვია სერგეი დიბელოვ და მე ვარ შეფ-მზარეული, რომელიც პირველ ადგილზე გემოს აყენებს, არა მხოლოდ ლამაზ კერძებს ან ტენდენციებს, არამედ გულწრფელ, ღრმა გემოს, რომელიც პირველი ლუკმიდან მოგხიბლავთ და ბოლომდე დარჩება თქვენთან.

ჩემი კულინარიული მოგზაურობა სახლში დაიწყო, იმ დაუვიწყარი არომატებით, რომლებიც სამუდამოდ გაგყვებათ. სამზარეულოში ჩემი პირველი ექსპერიმენტები ინტუიციური იყო - წესები ჯერ არ ვიცოდი, თუმცა უკვე ვგრძნობდი, როგორ გამეუმჯობესებინა საჭმლის გემო.

დღეს თანამედროვე გასტრონომიაში ვმუშაობ, ფოკუსირებული ვარ ადგილობრივ ტრადიციებზე. ცეცხლი, დუღილი, დაძველება - ეს ჩემი ინსტრუმენტებია. განსაკუთრებით მიყვარს ხორცთან და ბოსტნეულთან მუშაობა, ტექსტურებთან, კვამლთან და მჟავიანობასთან თამაში. ჩემი მთავარი უნარი მრავალშრიანი გემოვნების მქონე გამოცდილების შექმნაა, სადაც ყველა ელემენტი თანდათან ვითარდება: ჯერ არომატი, შემდეგ ტექსტურა და ბოლოს დასრულება.

წყალი წარმოადგენს საფუძველს. ის ყველგანაა - ბულიონებში, დუღილში, საკონდიტრო კრემებში. თუ წყალი „ბრტყელია“, კერძიც ასეთი იქნება. ბორჯომს აქვს ხასიათი,მინერალური შემცველობა, მარილიანობა, სტრუქტურა. ის მხოლოდ სითხე არ არის - ის ინგრედიენტია. განსაკუთრებით გასტრონომიაში, სადაც ყველა ნიუანსს მნიშვნელობა აქვს.