ილია ბენაშვილი  14 წელია გასტრონომიის სფეროში მუშაობს. მისი კულინარიული გზა დაიწყო საქართველოს კულინარიულ აკადემიაში, სადაც პროფესიული ცოდნის მიღების შემდეგ დღესაც აგრძელებს საქმიანობას და ახალგაზრდა კულინარებს საკუთარ გამოცდილებას უზიარებს.
ამ წლებში მან გაიცნო ამ სფეროს პროფესიონალები და შეიძინა მეგობრები, რომლებიც მოგვიანებით საქმიან პარტნიორებად იქცნენ. სწორედ ამ საერთო ხედვამ და გამოცდილებამ შექმნა რესტორანი ნინიას ბაღი — ადგილი, რომელიც მეგობრობის, პროფესიონალიზმისა და საერთო კულინარიული ხედვის შედეგია.