Search
Or
ქათმის მკერდი ბარდის პიურეთი
30-60 Min
საშუალო
მსუბუქი
201-500 Kcal

“დავიბადე 1998 წლის 8 აპრილს. დავამთავრე საქართველოს ტექნიკური უნივერსიტეტი პიარის განხრით, ვმუშაობ რესტორან შარბათში მენეჯერის პოზიციაზე. ჩემი სამზარეულოს მიმართ სიყვარული ბავშვობიდან იწყება, მაშინ, როცა ბებია კერძების მზადებისას ძალიან პატარას მონაწილეობას მაღებინებდა და გულისყურით მიხსნიდა თითოეულ დეტალს, მიღებული შედეგით კი ყოველთვის ბედნიერი ვიყავი. მას შემდეგ რაც მეტად დავინტერესდი კულინარიის ხელოვნებით, მივხვდი რომ ეს ის საქმეა, რომელიც ერთდროულად ბედნიერებას, ადრენალინს და სიამოვნების შეგრძნებას მანიჭებს, ამიტომ ჩემს ცხოვრებაში საპატიო ადგილი კულინარიას უჭირავს” - სალომე ფაცია
 

ingredients
150 150 გრ. ბარდა
50 50 გრ. ნაღები
1 1 ცალი თეთრი ხახვი
3 3 კბილი ნიორი
1 1 მწიკვი მარილი
1 1 მწიკვი პილპილი
100 100 გრ. კიტრი
40 40 გრ. არაჟანი
30 30 გრ. პიტნა
250 250 გრ. ქათმის გულ-მკერდი
1 1 ცალი ტოტი როზმარინი
50 50 გრ. კარაქი
50 50 გრ. კამა
150 150 გრ. ზეთი
2 2 გრ. ლიმონი
30 30 გრ. პატარა ჯიშის სტაფილო
30 30 გრ. შაქარი
30 30 გრ. წყალი
step 1
250 გრამი ქათმის გულ-მკერდი დავამარინადოთ ლიმონის წვენში, პილპილში და მარილში. ხახვი დავჭრათ და მოვშუშოთ ზეთში, 5 წუთში დავამატოთ 150 გრამი ბარდა, ასევე 5 წუთში 50 გრამი ნაღები, მივიყვანოთ წამოდუღებამდე, დავაბლენდეროთ, დავუმატოთ პილპილი/მარილი გემოვნებით და დაბლენდერებული მასა გავატაროთ საწურზე.
step 2
ამასობაში, ვჭრით 100 გრამ კიტრს, ვურევთ 40 გრამ არაჟანს, 30 გრამ პიტნას, 1 კბილ ნიორს, ლიმონის წვენს, პილპილს და მარილს გემოვნებით, ვაბლენდერებთ ყველაფერს ერთად და ვატარებთ საწურზე. 50 გრამ კამას ვყრით ბლენდერში, ვამატებთ 50 გრამ ზეთს და ვაბლენდერებთ 7 წუთი, მიღებული მასა დოლბანდით გადავწუროთ და ზეთი შევინახოთ.
step 3
ტაფაზე დავასხათ 30 გრამი წყალი, შევურიოთ 30 გრამი შაქარი და 30 გრამი ლიმონის წვენი, ჩავყაროთ 3 ცალი სტაფილო და ვაცადოთ იქამდე სანამ სითხე არ დაშრება და არ კარამელიზდება სტაფილოები. ქათმის გულმკერდი გადმოგვაქვს გახურებულ ზეთიან ტაფაზე, მნიშვნელოვანია რომ ზეთი იყოს ცოტა, რომელიც უბრალოდ შეასველებს ტაფას. გულმკერდს ორივე მხარეს ვბრაწავთ 2-2 წუთი, ვამატებთ ტაფაზე 50 გრამ კარაქს, ორ კბილ ნიორს და როზმარინის ტოტს, მიღებულ ცხიმს ვასხამთ ინტენსიურად ქათმის ფილეს, რომ მიიღოს ცხიმის აბაზანა და ცხელმა ცხიმმა ჩააღწიოს სიღრმეში. როგორც კი შევამჩნევთ რომ გულ-მკერდი შეიწვა, გადმოგვაქვს და ვასვენებთ 5 წუთი.
step 4
კერძის ასაწყობად ბარდის პიურეს თეფშზე ვასხამთ წრიულად, შუაში ვაწყობთ 3 ნაჭერ ქათმის გულ-მკერდს, რომელსაც ირგვლივ მოვასხამთ კიტრის და პიტნის საწებელს, საწებელზე წერტილებად ვსვამთ კამის ზეთს და რამდენიმე მოხარშულ ბარდას, ქათმის ნაჭრებზე ვაწყობთ კარამელიზებულ სტაფილოებს და კერძი მზად არის.

How To Serve

გემრიელად მიირთვით!