“დავიბადე 1998 წლის 8 აპრილს. დავამთავრე საქართველოს ტექნიკური უნივერსიტეტი პიარის განხრით, ვმუშაობ რესტორან შარბათში მენეჯერის პოზიციაზე.

ჩემი სამზარეულოს მიმართ სიყვარული ბავშვობიდან იწყება, მაშინ, როცა ბებია კერძების მზადებისას ძალიან პატარას მონაწილეობას მაღებინებდა და გულისყურით მიხსნიდა თითოეულ დეტალს, მიღებული შედეგით კი ყოველთვის ბედნიერი ვიყავი.

მას შემდეგ რაც მეტად დავინტერესდი კულინარიის ხელოვნებით, მივხვდი რომ ეს ის საქმეა, რომელიც ერთდროულად ბედნიერებას, ადრენალინს და სიამოვნების შეგრძნებას მანიჭებს, ამიტომ ჩემს ცხოვრებაში საპატიო ადგილი კულინარიას უჭირავს” - სალომე ფაცია