• გასტრო გიდი

    შეფები

    რჩევები

    რეცეპტები

  • ბორჯომი კერძებთან

  • GEO

უშაქრო, უფქვილო ტორტი

“2014 წელს რადიკალურად შევცვალე ჩემი პროფესია და საჯარო და კერძო სექტორებიდან საკონდიტრო სფეროში გადავინაცვლე.
მას შემდეგ არაერთი სამსახური გამოვიცვალე. ბოლოს სასტუმრო ,,სტამბა“-ში ვმუშაობდი, თუმცა პანდემიის გამო მომიწია შეჩერება.
სწორედ ამ ჩაკეტილობის პერიოდში დავინტერესდი კეტო დიეტით და მასთან დაკავშირებული დაბალნახშირწყლოვანი და უგლუტენო დესერტებით და პურებით. დავიწყე სახლში სელის ფქვილის პურის მცდელობებით, რამაც საბოლოოდ შედეგი გამოიღო და უკვე თითქმის ერთი წელია ვმუშაობ კეტომანიას გუნდთან, ჩემს მეგობრებთან ერთად და ვუძღვები საკონდიტრო და პურსაცხობ მიმართულებას. 
თითოეული პროდუქტი, ბევრი ფიქრის და მუშაობის შედეგად მივიღე და ძალიან კარგი გრძნობაა, როდესაც შენი შექმნილი პროდუქტი, არა მხოლოდ გემრიელია, არამედ უგლუტენო, უშაქრო, უფქვილოა და ძალიან ბევრ ადამიანს (ვისაც ტკბილი დავიწყებული ჰქონდა) ახარებს. 
ასევე, მაქვს ჩემი ბლოგი და youtube არხი - Bake with Sophie, რაც არის ჩემი ჰობი, სადაც ვწერ დეტალურად ყველა დესერტის თუ პურის რეცეპტს, რასაც ვამზადებ. ვფიქრობ, ბევრ ადამიანს მოტივაციას ვაძლევ, სახლში უფრო ხშირად მოამზადონ.
სულ ახლახანს შევუერთდი DGF ICC GEORGIA -ს გუნდს და ველოდები ბევრ სიახლესა და პროფესიულ განვითარებას.” - სოფო შუბითიძე “კეტომანიას“ შეფ-კონდიტერი, საკონდიტრო ბლოგის Bake with Sophie-ს შემქმნელი. 
 

უშაქრო, უფქვილო ტორტი

მომზადების დრო

60+ წუთი

სირთულე

რთული

კალორიები

250-500 კალორია

საჭმლის ტიპი

დესერტი

ბორჯომის ლიმონათი მსხალი
ბორჯომის ლიმონათი მსხალი

უხდება

ბორჯომის ლიმონათი მსხალი

 სოფო  შუბითიძე

რეცეპტის ავტორი

სოფო შუბითიძე

უშაქრო, უფქვილო ტორტი

ინგრედიენტები

ნუშის ფქვილი

150 გრამი

ქოქოსის ზეთი

80 გრამი

ერითრითოლი

200 გრამი

კვერცხი

3 ცალი

გამაფხვიერებელი

12 გრამი

კრემ-ყველი

350 გრამი

არაჟანი

200 გრამი

ლიმონის წვენი

10 გრამი

ჟელატინის ფხვნილი

45 გრამი

ნაღები (35%)

200 გრამი

მოცვი

80 გრამი

ლიმონი

80 გრამი

კივი

80 გრამი

პექტინი NH

1 გრამი

საფეხური

droplet

1

chef

ხილის ტორტი, კრემ-ყველის კრემით და ლიმონის ჟელეს დაფარვით - დესერტი შაქრის, ფქვილის და გლუტენის გარეშე. გაფორმება: სურვილისამებრ ყველანაირი ხილი. თუ გნებავთ, მოცემული დაბალნახშირწყლოვანი, უშაქრო, უფქვილო და უგლუტენო ტორტი იყოს კეტო დიეტაზე მორგებული,მოცემული ხილი ჩაანაცვლეთ : მარწყვით, ჟოლოთი და მოცვით. ნუშის ბისკვიტი: ნუშის ფქვილი - 150 გ გამაფხვიერებელი - 12 გ ქოქოსის ზეთი - 80 გ კვერცხი - 3 ც ერითრითოლი - 40 გ მომზადების ტექნოლოგია: კვერცხი კარგად გავთქვიფოთ ერითრითოლთან ერთად, დავამატოთ გამდნარი ქოქოსის ზეთი, ბოლოს ნუშის ფქვილი და გამაფხვიერებელი. მოვურიოთ რომ მივიღოთ ერთგვაროვანი მასა. გადავანაწილოთ 2 ფირფიტაზე. გამოცხობა 160 გრადუსი ცელსიუსი - 10-12 წთ. ახლადგამომცხვარი ბისკვიტიდან ამოვჭრათ 16 სმ/დმ ის 4 ცალი დისკი და გავაგრილოთ.

საფეხური

droplet

2

chef

კრემ-ყველის კრემი: კრემ-ყველი - 350 გ არაჟანი - 200 გ ერითრითოლი - 30 გ ლიმონის/ლაიმის წვენი - 10 გ ჟელატინის პუდრი - 5 გ ცივი წყალი - 10 გ ნაღები ამოყვანილი - 200 გ მომზადების ტექნოლოგია: დავალბოთ ჟელატინი ცივ წყალში. ამოვიყვანოთ ნაღები და დავარეზერვოთ. კრემ-ყველი და არაჟანი გავთქვიფოთ ერითრითოლთან ერთად. კრემის 10 % გადმოვიტანოთ დამბალი ჟელატინის მასაში და შეჩვევის პრინციპით გავადნოთ მიკროტალღურ ღუმელში, თან მოვურიოთ რომ ჟელატინი თანაბრად გადნეს. ჟელატინიანი მასა დავაბრუნოთ კრემ-ყველის მასაში, მოვურიოთ. ბოლოს, დელიკატურად მივაწოდოთ ამოყვანილი ნაღები და მივიღებთ ერთგვაროვან კრემს.

საფეხური

droplet

3

chef
კივის კონფი: კივი - 80 გ ერითრითოლი - 15 გ პექტინი NH - 1 გ კივი დავჭრათ წვრილ კუბებად. ერითრითოლი და პექტინი გავაერთიანოთ და შევურიოთ კივს. ვადუღოთ 10 წთ და დავაბლენდეროთ. ამავე პრინციპით ვამზადებთ ნებისმიერი ხილის კონფის. ლიმონის ჟელე: ჟელატინის პუდრი - 40 გ წყალი ცივი - 300 მლ ერითრითოლი - 50 გ ლიმონის წვენი - 40 გ წყალი ცხელი - 600 მლ მომზადების ტექნოლოგია: ჟელატინი დავალბოთ ცივ წყალში, 15-20 წთ გავაჩეროთ. 600 მლ წყალი ავადუღოთ, შევურიოთ ერითრითოლი, ლიმონის წვენი და დავასხათ დამბალი ჟელატინის მასას. გავაგრილოთ და ისე მოვიხმაროთ.

საფეხური

droplet

4

chef
ტორტის აწყობა: ნუშის ბისკვიტი მოვათავსოთ 16 სმ. დიამეტრის ყალიბში და გადავანაწილოთ კრემი. გადავასწოროთ და დავიტანოთ სასურველი კონფი. ჩვენს შემთხვევაში გამოვიყენეთ ერითრითოლზე მომზადებული, ლიმონის, მოცვის და კივის კონფი. შემდეგ ისევ ბისკვიტი, კრემი, კონფი და ასე ავაწყოთ ბოლომდე. გადავლესოთ კრემით. შევინახოთ მაცივარში 1 სთ. გავრეცხოთ, გავაშროთ და დავჭრათ სასურველი ხილი, გადავანაწილოთ ტორტის ზედაპირზე და გვერდებზე. კვლავ შევინახოთ მაცივარში 2 საათით. 16 სმ/დმ-იანი ტორტი, ჩავდოთ 20 სმ.დმ-ის ყალიბში და ამოვაკრათ სამზარეულოს პლასტიკი ძალიან მყარად. ჩავასხათ მომზადებული ლიმონის ჟელე და შევინახოთ მაცივარში მინიმუმ 4 საათით.

სერვირება

droplet

5

chef
გემრიელად მიირთვით.

Comments

Most Recent

ნავიგაცია

  • გასტრო გიდი
  • ბორჯომი კერძებთან

ლინკები

  • გახდი ბორჯომის დისტრიბუტორი
  • უკუკავშირი

Developed By Leavingstone

Developed By Leavingstone