Search
Or
ნიგვზიანი ხარჩო ხბოს ნეკნებით და მთის ქონდრით
30-60 Min
რთული
მძიმე

ვარ 26 წლის შეფ-მზარეული. ღრმა ბავშვობიდან მიტაცებს კულინარია და ვთვლი, რომ კულინარიამაც ამირჩია. გამოცდილება მივიღე ბევრ წარმატებულ შეფ მზარეულთან, როგორც გერმანიაში, ისე ავსტრიაში. 
მიზნად დასახული მაქვს სიახლეები შემოვიტანო ქართულ გასტრონომიულ კულტურაში და ასევე გავაცოცხლო ბებია-ბაბუების ძველი კერძები, ჩემი ახლებური ხედვით. მსურს ხალხს ჰქონდეს საშუალება თავად განსაზღვროს კერძის ხასიათი და ემოციური დონე, აირჩიოს რა უფრო მეტად სასიამოვნოა მათთვის და რა უფრო პატივსაცემი. ჩემი კერძების ვიზუალი და გემო ინსპირირებულია მრავალფეროვანი თემატიკით, ძირითადად ეს არის ტრადიცია და ახალი გემოები, მათი არასტანდარტული და ზოგჯერ წარმოუდგენელი თავსებადობაც კი - საბა იჩქიტიძე

ingredients
400 400 გრ. ხბოს ნეკნი
90 90 გრ. ნიგოზი
5 5 გრ. ნიორი
5 5 გრ. თეთრი ხახვი
2 2 გრ. წითელი დაღერღილი წიწაკა
60 60 მლ. საქონლის ბულიონი
5 5 გრ. ყვითელი ყვავილი
2 2 გრ. ხმელი ქინძი
3 3 გრ. უცხო სუნელი
2 2 გრ. მარილი
10 10 მლ. მზესუმზირის ზეთი
20 20 გრ. ხორბლის ფქვილი
3 3 გრ. ბეგქონდარა (მთის ქონდარი)
step 1
ხორბლის ფქვილს ვხალავთ უცხიმო ტაფაზე იქამდე, სანამ ოქროსფერს არ მიიღებს, შემდეგ ვამატებთ ცალკე მოთუშულ ხახვს (ხახვი ითუშება მზესუმზირის ზეთში) ზეთიანად, ვამატებთ დანაყილ ან გატარებულ ნიგოზს სუნელებთან ერთად და ბოლოს თქვენთვის სასურველი სისქის მისაცემად ვამატებთ საქონლის ბულიონს (ბულიონი შეგიძლიათ ჩაანაცვლოთ წყლით).
step 2
ნეკნებს ვწვავთ უცხიმოდ ბეგქონდარასთან ერთად, სასურველია ნაკვერჩხალზე, თუმცა შესაძლებელია ღუმელში ან ტაფაზე შეწვაც, ცოტა მზესუმზირის ზეთთან და კარაქთან ერთად. რჩევა: კარაქმა რომ ხორცი არ გაგვიშავოს და ზედმეტად მუქი შეფერილობა არ მისცეს, ვამატებთ გამოხდილ ზეთს. ბეგქონდარა გამოიყენეთ როგორც უშუალოდ შეწვის პროცესში, ასევე სერვირებისას, დამატებითი ნატურალური გემოს მისაცემად.

How To Serve

გააფორმეთ სურვილისამებრ, გემრიელად მიირთვით.