შუ ლამპონესგან

დესერტების ვიზუალის და გემოების გადაკეთება-გალამაზება ყოველთვის მომწონდა, სწორედ ამიტომ დავიწყე კულინარიის აკადემიაში სწავლა.

შემდეგ იყო ფრანგული კონდიტერიის კურსები დათო გორგოშიძესთან და ჩემი აზარტულობის დამსახურებით, კიდევ არაერთი უცხოური მასტერკლასი. სიახლე და განსხვავებულობა ჩემთვის გამოწვევაა. ამიტომ, შეიქმნა ჩემი ონლაინ საკონდიტრო "ლამპონე", ჩემი მეოთხე შვილი. და მალე გაიხსნება საკონდიტრო, რომელიც იტყვის ყველასგან განსხვავებულ სათქმელს. დღეს გთავაზობთ საფირმო "შუს ნაკრების" რეცეპტს - შორენა წითლიძე

მომზადების დრო

60+ წუთი

სირთულე

საშუალო

კალორიები

0-250 კალორია

საჭმლის ტიპი

დესერტი

ინგრედიენტები

რძე

625 მილილიტრი

წყალი

125 მილილიტრი

კარაქი

250 გრამი

კვერცხი

4 ცალი

კვერცხის გული

4 ცალი

შაქარი

255 გრამი

სიმინდის სახამებელი

65 გრამი

ნაღები

150 გრამი

ფქვილი

250 გრამი

მარილი

3 გრამი

საფეხური

შუს ცომისთვის დაგჭირდებათ: 125 მლ. წყალი, 100 გ კარაქი, 5 გ შაქარი, 3 გ მარილი, 4 კვერცხი, 1 კვერცხის გული, 150 გრ ფქვილი. საკონდიტრო ქვაბში მოვათავსოთ რძე, წყალი, კარაქი, შაქარი, მარილი და მივიყვანოთ ადუღებამდე. ერთჯერადად ჩავყაროთ ფქვილი და უწყვეტი მორევით მოვშუშოთ 5-7 წუთის განმავლობაში.

საფეხური

მოხარშული ცომი გადმოვიტანოთ საკონდიტრო ჯამში. ოდნავ რომ შეგრილდება, შევათქვიფოთ კვერცხი ეტაპობრივად. ცომი უნდა გახდეს სქელი ზონრის კონსისტენციის. გადავიტანოთ ტომარაში. დავსვათ საცხობ ლანგარზე პატარა ბურთებად. თავზე დავადოთ მრგვლად ამოჭრილი კრაკელინი. ცხობის რეჟიმი: 200 გრადუსზე 10 წუთი, შემდგომ 170 გრადუსზე 20 წუთი.

საფეხური

რაკელინის მოსამზადებლად დაგჭირდებათ: 100 გ ფქვილი, 100 გ შაქარი, 100 გ კარაქი. ფქვილი, შაქარი და კარაქი გავაერთიანოთ. მიღებული მასა გავაბრტყელოთ ორ საცხობ ქაღალდს შორის. დავაყოვნოთ საყინულეში და ამოვჭრათ სასურველი ზომის წრეები.

საფეხური

კრემ-პატისიერი: 500 მლ რძე, 3 კვერცხის გული, 130 გ შაქარი, 60 გ სიმინდის სახამებელი, 50 გ კარაქი, 150 გ ნაღები. ავადუღოთ რძე, კვერცხის გული, შაქარი და სახამებელი მსუბუქად გადავთქვიფოთ. ცხელი რძე დავასხათ კვერცხიან მასას, მოვურიოთ და დავაბრუნოთ ისევ ქვაბში.

საფეხური

უწყვეტი მორევით მივიყვანოთ ადუღებამდე. ვხარშოთ 3-4 წუთი. გადმოვდგათ ცეცხლიდან და ცხელ კრემს დავუმატოთ კარაქი. დავგრინოთ კონტაქტურად და გავაციოთ.

საფეხური

ცივი კრემი გადავთქვიფოთ მიქსერით, პრიალა კონსისტენციამდე. ცალკე ავთქვიფოთ ნაღები და შევურიოთ კრემს.

საფეხური

კონფი: 100 გ ჟოლო, 20 გ შაქარი, 5 გ სიმინდის სახამებელი, 1 ს/კ ლიმონის წვენი. ჟოლო დავაბლენდეროთ, დავამატოთ შაქარი და მივიყვანოთ ადუღებამდე. დავამატოთ სახამებელი, ლიმონის წვენი და მოვხარშოთ შესქელებამდე.

საფეხური

შუების ასაწყობად, გავხვრიტოთ შუ ძირზე, ჩავასხათ კრემი ნახევრამდე, შემდეგ კონფი და ისევ კრემი, ამოვავლოთ შოკოლადის განაშში.

სერვირება

გემრიელად მიირთვით!

Comments