Unagi qayla qo'shilgan va Nero Venere guruchi bilan pishirilgan treska laxmi

“Nero Venere” guruchini oldindan sovuq suvda 30 daqiqa ivitib qo‘ying. Piyoz va sarimsoqni mayda kubik shaklida to‘g‘rang. Tovada o‘simlik yog‘ini qizdirib, piyoz va sarimsoqni quritib yubormasdan va ezilib ketishiga yo‘l qo‘ymasdan, tillarang bo‘lgunicha qovuring. Sabzavotlarga ivitilgan guruchni (suvisiz) solib, yengil qizishi va xushbo'yligini o‘ziga singdirib olishi uchun 5 daqiqa qovuring. Quruq oq sharobni quyib, spirti to‘liq bug‘lanib ketguncha 2 daqiqa qaynatib bug‘lating. So‘ngra issiq sabzavotli bulonni oz-ozdan qo‘shib boring. Guruchni past olovda doimiy nazorat qilib va vaqti-vaqti bilan aralashtirib turgan holda, “al dente” holatiga kelgunicha 30 daqiqa davomida pishiring.

Tayyor bo‘lganda guruchga oz-ozdan sariyog‘ va qirg‘ichdan chiqarilgan parmezan pishlog‘ini soling. Qaymoqdek bir tekis massa hosil bo‘lib, tabiiy tarzda quyuqlashguncha aralashtiring. Tayyor garnirning tuzilishi zich, ammo yumshoq, ta’mi esa qaymoq va yong‘oq notalari bilan boyitilgan bo‘lishi lozim.

Treska laxmini terisini qoldirib, suyaklaridan ajratib oling. Uni 150 grammlik bo‘laklarga (har bir porsiyaga 75 grammdan ikkita bo‘lak) kesib oling. Baliqning ustini miso sousi bilan bir tekis qoplang. Parokonvektomatda yoki duxovkada 180 °C haroratda 7 daqiqa davomida toblab pishiring. So‘ngra laxmni olib, unagi sousi bilan glazurlating va 180 °C haroratda yana 8 daqiqa pishiring (umumiy pishirish vaqti — 15 daqiqa).

Tayyor treska laxmi o‘zining sersuvligi, nozik tuzilishi hamda yengil karamel shirinligi qo‘shilgan umagi ta’mini saqlab qolishi lozim. Isitilgan likopchaga guruchdan chiroyli asos soling. Ustiga porsiya butunligini saqlagan holda baliqni terisini pastga qaratib joylashtiring.

Ta’m va ko‘rinishiga o‘zgacha urg‘u berish uchun yangi limon bo‘lagi va ko‘katlar bilan bezating. 60–65 °C haroratda darhol dasturxonga torting.