Toblab pishirilgan qovoq bilan o'rdak to'shi

Name: Toblab pishirilgan qovoq bilan o'rdak to'shi
Cuisine: Georgian
Ingredients: 150 gr Su-vid o'rdak to'shi; 100 kr Qovoq; 30 gr Apelsin sharbati; 25 gr Salat aralashmasi; 10 gr Parmezan

Su-vid usulida tayyorlangan nihoyatda mayin o‘rdak to‘shi o‘zining asl sersuvligini va boy go‘shtli ta’mini saqlab qoladi. Tabiiy asal qo‘shilgan soya qaylasidan tayyorlangan nozik marinad yengil karamelizatsiya va mukammal ta’m muvozanatini ta’minlaydi.

Taom toblab pishirilgan qovoq bilan birga dasturxonga tortiladi, uning tabiiy shirasi va baxmalsimon qaymoqli ta’mi parranda go‘shtiga beqiyos tus baxsh etadi. Kompozitsiyaning yorqin urg'usi apelsin sousi bo‘lib, uning nozik nordonligi o‘rdakning tabiatini chinakamiga ochib beradi. Yakunlovchi shtrix: ko‘katlarning tetiklantiruvchi aralashmasi va uzoq vaqt saqlangan parmezanning xushxo'r ta’mi.

Toblab pishirilgan qovoq bilan o'rdak to'shi

Tayyorgarlik vaqti

30-60 daqiqa

Qiyinchilik

Qiyin

kkal

500+

Taom turi

Asosiy taom

Mos tushadi

Borjomi tsitrus limonati

Retsept muallifi

Yergeshaliyev Sanjarbek

Ingredientlar

Su-vid o'rdak to'shi

150 gr

Qovoq

100 kr

Apelsin sharbati

30 gr

Salat aralashmasi

25 gr

Parmezan

10 gr

Qadam

Masalliqlarni tayyorlab olamiz. Yangi, shirin qovoqning etini taxminan 3-4 sm hajmdagi yirik bo‘laklarga to'g'rab olamiz.

Sovutilgan o‘rdak lahmini ortiqcha parda va paylardan tozalaymiz. Boroq bunda terisini saqlab qolish muhim: go‘shtiga ziyon yetkazmasdan, terining ustini xoch shaklida kesib chiqamiz — bu yog‘ning bir tekis erishiga va qovurilganda chiroyli ko‘rinish hosil bo‘lishiga imkon beradi.

To‘sh go‘shtiga tuz va yangi yanchilgan qora murch surtamiz. So‘ng soya sousi va tabiiy asal qo‘shamiz. 20-30 daqiqaga marinadlanish uchun sovutgichga solib qo'yamiz.

Qadam

Marinadlangan lahmni biroz miqdordagi o‘simlik yog‘i bilan birga vakuumli paketga joylaymiz, so‘ngra 2 soatga su-vid suv hammomiga (yumshoq o'rtacha qovurish uchun 58°) solamiz. So'ngra, paketni olib, go‘shtni sovutamiz.

Dasturxonga tortishdan oldin o‘rdak go‘shtini teri tomoni bilan o‘rta olovda 3-5 daqiqa davomida, tilla rang qobiq hosil bo‘lib, yog‘i erigunicha qovuramiz. Keyin ag‘darib, go‘shtli tomonini 60 soniya qovurib olamiz.

Tayyor to‘sh go‘shtini 2 daqiqaga tindirib qo‘yamiz, so‘ng tolalariga ko‘ndalang qilib yupqa bo‘laklarga kesamiz.

Qadam

Tovaga tayyorlangan qovoqni solib, sariyog‘ va ozgina shakar qo'shamiz. Avaylab aralashtiramiz va 180-190° da 25 daqiqa davomida qovoqni pishiramiz.

Bu orada o‘rdak to‘shi uchun qayla tayyorlaymiz. Apelsindan sharbatni siqib, qozonchaga quyamiz va o‘rtacha olovga qo‘yamiz. Tabiiy asalni qo‘shamiz va to‘liq eriguncha ehtiyotkorlik bilan qizdiramiz.

Qadam

Sousni biroz quyilib, ta’mi to‘yinishi uchun 3 daqiqa qaynatamiz. Venchik bilan tinimsiz aralashtirgan holda, ingichka oqimda qaymoqni qo‘shamiz. Bir xil tusga kirguncha yana 3 daqiqa pishirishda davom etamiz. Sariyog‘ni solib, u to‘liq erib, yaltiroq va silliq sous hosil bo‘lgunicha doimiy aralashtirib turamiz.

Taom bezagi

Dasturxonga tortiladigan likopchaga pishirilgan qovoqni solib, taom kompozitsiyasining asosini yaratamiz. Yoniga o‘rdak to‘shi bo‘laklarini yelpig‘ich shaklida terib chiqamiz. Go‘sht ustidan apelsin qaylasini ingichka qilib quyamiz. Salat aralashmasini hajmini va yengilligini saqlagan holda ehtiyotkorlik bilan joylashtiramiz.

Izohlar

Most Recent