Ismaloq va pishloq to'ldirmali xachapuri

Tog'orachaga 1 kilogramm unni elab oling; kichikroq idishda xamirturush va shakarni aralashtiring, iliq suv qo‘shing so'ngra xamirturush oshishini kuting.

Unga tuzni qo‘shib, xamirturush va suv bilan aralashtiring, xamir qoring. Suv va unning aniq nisbatini aytish qiyinroq, hamma narsa qorish ko'nikmalariga bog‘liq. Xamir yumshoq va qo‘lga yopishmaydigan bo‘lishi kerak, shunda u tayyor bo‘ladi. Oxirida uni o‘simlik yog‘i qo'shib yana qorib oling, oddiy mato yoki plastik qopqoq bilan yoping. Xamirning ko‘tarilishini kuting.

Bu orada ismaloq va ko‘katlarni yuvib, maydalab to‘g‘rang, qo‘lda ezib oling va unga qirg‘ichdan chiqarilgan pishloq qo‘shing. Alohida tovada cho‘chqa yog‘i yoki eritilgan sariyog‘da 2 dona mayda to‘g‘ralgan piyozni qovurib, to'ldirmaga qo'shing va yaxshilab aralashtiring.

Xamir oshgach, uni bir necha bo‘laklarga bo‘ling. Misol uchun men, uch bo'lakka bo‘laman — bunda to'ldirmani ham uchta sharchaga, hajmi xamirga nisbatan kichikroq qilib bo'lib olish kerak.

Xamirni taxminan 0,7 santimetr qalinlikda yoyib, to'ldirmani o‘rtaga soling va xamirni yoping. Sharni bir oz yalpoqlang, tovaga qo‘ying, xachapuriga yakuniy shakl bering va 220 darajagacha qizdirilgan pechga joylang. 10-15 daqiqa davomida pishiring. Tayyor xachapuri yuzasiga sariyog‘ surting. Dasturxonga issiq holda torting.

Maslahat: ismaloq o'rniga lavlagi barglaridan foydalanish mumkin, tayyorlashning qolgan boshqa qismlari o‘zgarishsiz qoladi. Siz shuningdek, ta’bingizga ko‘ra kamroq tuzlangan pishloqni tanlashingiz ham mumkin.