Gruzincha rollatin

"Men Zugdidida tavallus topganman, bolaligim juda mazmunli va qiziqarli o‘tgan. Maktabdan tashqari rasm chizish, raqs va musiqa bilan shug‘ullanardim. Aka-uka, opa-singillarim yo‘q edi, shuning uchun uyda yoki dars qilardim, yoki kitob o‘qirdim.

Ayniqsa, biz yozda Abxaziyaga dengiz bo‘yiga borganimizda yoki ansambl bilan sayohatlarga yoki festivallarga borganimizda juda xursand bo‘lardik. Bizning ajoyib qo‘shnilarimiz bor edi, biz bolalar ularning oldiga yugurib borardik va o‘zimizni o‘z uyimizdagidek his qilardik, kim va qanday taom tayyorlayotganini bilardik.  

Endi o‘ylab qarasam, ularning hammasi yaxshi oshpazlar ekan. Ayniqsa, to‘ylar qiziqarli o‘tar edi — barcha qo‘shnilarning o‘z "joyi" va o‘z ishi bor edi. Onam, masalan, shu va napoleon pishirar, yong‘oqdan taomlar tayyorlardi. O‘zaro mehr-oqibat, qo‘llab-quvvatlash va boshqa bebaho qadriyatlar bor edi...

Men TDUning filologiya, rus tili va adabiyoti fakultetini tamomlaganman, garchi kasbimdan faqat gapirish va meyl yozish uchun foydalangan bo‘lsam-da. Ancha qiziqarli ishim bor edi, ko‘ngilli bo‘lib ishlash ham yoqardi. Men har doim pazandachilik mahsulotlari va mazali taomlarni yaxshi ko‘rardim, buvim ham, onam ham ularni ajoyib tarzda tayyorlashardi.

Mehmonlar tashrif buyurmagan kun yo‘q edi, shuning uchun bizda doim shovqin-suron va taraddudlar bo‘lardi. Men hali ham buvimning retsepti bo‘yicha lobio, onamning retsepti bo‘yicha satsivi tayyorlayman.

Bir necha yil oldin do‘stim Facebook’da "Bugun nima yeymiz" sahifasini ochdi va men u yerda faol faoliyatimni boshladim. Har kuni nimadir qaynatardim, dimlardim, pishirardim, o‘rganardim, pazandachilik haqidagi video va filmlarni tomosha qilardim. Mening zaif tomonim — retsept yozishdir. Mendan so‘rashganda, men hech qachon grammdagi miqdorni bilmayman.

Men hech qachon bir xil tarzda ovqat pishirmayman, har doimbetakror nimadir tayyorlayman va bu jarayondan zavq olaman. Bundan tashqari, pandemiya davri mening gastronomik tajribalarimga to‘g‘ri keldi. Bularning barchasi meni kichik bir restoranda bosh oshpaz yordamchisi bo‘lib ishlashga olib keldi.

Menga bu ish juda yoqadi, u qiziqarli va xilma-xil. Butunlay boshqacha dinamika va tezlik, men bosh oshpazimdan ko‘p narsalarni o‘rganaman va buning uchun unga rahmat.  Kelajakda shahar tashqarisida, Tbilisiga yaqin joyda yashab, kichik biznesimni boshlashni o‘ylayapman, ko‘ramiz.

Men uchun sevimlisi — gruzin taomlari, bundan tashqari, italyan va fransuz taomlarini ham juda yaxshi ko‘raman. Shuning uchun bugun men sizga juda oddiy italyan taomini taklif qilaman, faqat men rikotta va motsarella o‘rniga nadugi va suluguni ishlatdim. Siz ham albatta tatib ko‘ring. Baqlajon o‘rniga kabachkilardan foydalanishingiz mumkin. Yoqimli ishtaha! - Lali Jabua.