Shahzod To‘xtayev

Shahzod To‘xtayev 18 yoshida amakisining taklifiga rozi bo‘lib, oshpazlik sohasiga kirib kelgan va Toshkentdan to‘g‘ri Moskva gastronomiyasining premium segmentiga qadam qo‘ygan. Uning birinchi ish joyi Arkadiy Novikovning 15–20 nafar xitoylik oshpazdan iborat jamoasi bilan hamkorlikdagi loyihasi – Mr. Li restorani bo‘ldi. Shahzod xitoy tilini bilmasdi, ishni masalliqlarni tayyorlovchi sifatida boshlab, asta-sekin qadamma-qadam o‘sib, Xitoy taomlari sexining brigadiri darajasiga ko‘tarildi.

Shahzod 10 yil davomida Novikov guruhining Moskvadagi bir nechta restoranlari – Semach, Hills, Magadanʼda faoliyat yuritib, panosiyo, italyan taomlari va dengiz mahsulotlari bilan ishladi. Bu vaqt ichida su-oshpaz va bosh oshpaz o‘rinbosari lavozimlarida ishladi. Unga steyk tayyorlash texnikasini shaxsan o‘rgatgan avstraliyalik bosh oshpaz Jonatan Kertisdan, brend bosh oshpazi Aleksandrdan hamda premium darajadagi ta’mning asl mohiyatini anglashga yordam bergan xitoylik bosh oshpaz Lidan ta’lim olgan.

2025-yilning yanvar oyida Shahzod Toshkentga qaytib kelib, oila qurdi va shu zahoti Kitana restoranining taklifini qabul qildi. Uning uslubi – panosiyo an’analarini zamonaviy texnikalar orqali ifodalash, taomni dasturxonga minimalizm uslubida tortish va ta’mlarning benuqson muvozanatini yaratishdir.