Ruslan Shamsudinov

Men Ruslan Shamsudinov, AIZA Terrace va Local coffee restoranlari bosh oshpaziman.

Pazandalikdagi yo‘lim bosh oshpaz bo‘lishga da'vo qilish istagidan emas, balki oddiy bir qiziqishdan boshlangan: oddiy masalliqlardan qanday qilib lazzat yaralishini anglash edi. Vaqt o‘tib bu shunchaki ish bo‘lmay, bir umrlik mashg‘ulotga aylandi, unda esa masalliq tanlashdan tortib, tayyor taomni dasturxonga tortishgacha har bir qadam muhimdir.

Men eng avval asosni tashkil etuvchi jihatlardan boshlab, mahsulot tayyorlashdan tortib mehmonga xizmat ko‘rsatishgacha barcha bosqichlardan o‘tdim. Bu menga eng asosiysini — jarayonlarni ich-ichidan tushunishni va masalliqqa hurmat hissini berdi. Oshxona meni tartib-intizomga, tezkor fikrlashga va natija uchun mas’uliyatli bo‘lishga o‘rgatdi.

Mening kasbiy yo‘lim bir mamlakat doirasi tashqarisiga chiqdi. Faoliyatimning o‘rtalarida Italiyada amaliyot o‘tab, qandolatchilik san’atini bevosita amalda o‘rgandim. Bu tajriba menga mustahkam poydevor yaratdi: har bir tafsilotga e’tibor, aniqlik va ta’mlar muvozanatini his qilish qobiliyati bir yo‘nalish doirasidan ancha kengroq edi.

Qaytgach, Olmaotaning eng nomdor restoranlarida ishlab, o‘sishda davom etdim. Tajribali va talabchan oshpazlardan ta’lim olish baxtiga muyassar bo‘ldim. Ularning har biri mening oshpazlikka yondashuvimga o‘z ta’sirini o‘tkazib, kasbiy dunyoqarashim shakllanishiga yordam bergan.

Endilikda o‘z faoliyatimda asosiy urg‘uni ta'm va muvozanatga qarataman. Men uchun taom ortiqcha narsalar bilan to‘lib-toshmagani, har bir masalliq esa umumiy natijaga hissa qo‘shishi muhim. Men shunchaki murakkablik ortidan quvmayman — men uchun taomning sof ta’mi va likopchada aks etgan tushunarli g‘oya qadrliroqdir.
Mening uslubim — bu klassik usullar hamda zamonaviy yondashuv uyg‘unligi. Men teksturalar, xushbo‘y hidlar bilan ishlashni hamda to‘yinganlik va yengillik o‘rtasidagi muvozanatni topishni yaxshi ko‘raman. Men uchun shxona — mehmon bilan taom orqali suhbatlashish usulidir.