Salom, mening ismim Megi, kasbim jurnalist, garchi hech qachon kasbim bo‘yicha ishlamagan bo‘lsam ham. Bolaligimdan oshpazlik va qandolatchilikka qiziqaman. Pandemiya davrida men shirinliklarni juda yaxshi va mazali tayyorlashni o‘rgandim.

Men uch farzandning onasi bo‘lganim uchun har doim bolalarim uyda pishirilgan pishiriqlar va uyda tayyorlangan shirinliklarni iste’mol qilishlarini xohlardim, shuning uchun qandolatchilikni chuqurroq va puxtaroq o‘rganishga qaror qildim. Shunday qilib, men qandolatchilik maktabiga o‘qishga kirdim va u yerda bir oylik kursda o‘qidim.

Shunda xayolimga instagramda "megan__cookies__blog" sahifamni ochib, shirinliklarim retseptlarini boshqalarga ulashish fikri keldi.Maqsadim va istagim — o‘zimning kichik qandolat do‘konimga ega bo‘lish, u yerda shirinlik ishqibozlariga ko‘plab shirinliklar taklif qilish.