Yaqinlar uchun lazzatli kechki ovqat tayyorlash uchun: bosh oshpazdan uch qoida

Oshpaz Ilhom Xudoberganovning ishonchi komilki, o‘zgalar uchun ovqat pishirish bilan o‘zing uchun pishirish o‘rtasida yer bilan osmoncha farq bor. Boshqalar uchun harakat qilayotganda ham tafsilotlarga e’tibor qaratasiz, ham ishni yanada yaxshiroq bajarishga ishtiyoq paydo bo‘ladi.
(Carousel)
Birinchi qoida – tajriba qilishdan qo‘rqmaslik. Oshxona – xato qilish mumkin bo‘lmagan imtihon emas. Xatolar jarayonning bir qismi bo‘lib, aynan ular orqali ta’mni chinakamiga his qilish mumkin.

Ikkinchisi – oldindan tayyorgarlik ko‘rib, mahsulotlarni g‘amlab qo‘yish. Pishirish jarayonida biror narsa o‘xshamay qolsa, o‘rnini bosadigan narsa yoningizda tayyor turishi kerak. Improvizatsiya yaxshi, albatta, lekin buning uchun qo‘l ostida yetarlicha masalliq bo‘lishi lozim.

Uchinchisi – faqatgina yangi va sifatli mahsulotlardan foydalanish. Mazali sho‘rva, yangi go‘sht, to‘g‘ri tanlangan ziravorlar – bular mayda-chuyda narsalar emas, balki taomning poydevoridir. Butun lazzat aynan shu asosga quriladi.

Eng muhimi, bu uch qoidani birlashtirib turadigan narsa – taomni mehr bilan tayyorlash. Bu har doim sezilib turadi va aynan shu jihat uy taomlarini unutilmas qiladi.