Merenga
3 min. o'qing
Merenga
Qarsildoq va shirin merenga ko‘pchilik uchun sevimli yegulik sanaladi. Pishirilgan merenga ko‘pincha pishiriqlarni bezash elementi sifatida ishlatiladi, merenga asosida kremlar va biskvitlar tayyorlanadi - u qandolatchilikda keng qo‘llaniladi.
Merenganing kelib chiqishi taxminan 1720-yillarda Shveytsariyaning Mayering shahridagi qandolatchiga tegishli va nom ham o‘sha yerdan kelib chiqqan.
Shakar qo‘shilishi bilan yumshoq ko‘pikli tuxum oqsillari barqaror yaltiroq massaga aylanadi. Ko‘pirtirishda qancha ko‘p shakar qo‘shilsa, pishirishdan keyin merenga shunchalik qarsildoq bo‘ladi. Oqsillar va qand nisbati — 1:1,5-2. Ya’ni, shartli ravishda 100 gr tuxum oqsiliga 150-200 gr shakar qo‘shiladi. Agar shakar ko‘pirtirish boshlanishi bilan qo‘shilsa, zich merenga hosil bo‘ladi. Tuxum oqi ko‘pirtirilib, keyin oz-ozdan shakar qo‘shilsa, merengalar yengil chiqadi.
Merenga tayyorlash uchun tuxumning oqsilini sarig‘idan sovuq holida ajratib olish, oqsilini esa yopiq idishda xona haroratida isitish uchun qoldirish maqsadga muvofiqdir.
Merenga tayyorlashning ikki usuli mavjud — xom va qaynatilgan.
Qarsildoq va shirin merenga ko‘pchilik uchun sevimli yegulik sanaladi. Pishirilgan merenga ko‘pincha pishiriqlarni bezash elementi sifatida ishlatiladi, merenga asosida kremlar va biskvitlar tayyorlanadi - u qandolatchilikda keng qo‘llaniladi.
Merenganing kelib chiqishi taxminan 1720-yillarda Shveytsariyaning Mayering shahridagi qandolatchiga tegishli va nom ham o‘sha yerdan kelib chiqqan.
Shakar qo‘shilishi bilan yumshoq ko‘pikli tuxum oqsillari barqaror yaltiroq massaga aylanadi. Ko‘pirtirishda qancha ko‘p shakar qo‘shilsa, pishirishdan keyin merenga shunchalik qarsildoq bo‘ladi. Oqsillar va qand nisbati — 1:1,5-2. Ya’ni, shartli ravishda 100 gr tuxum oqsiliga 150-200 gr shakar qo‘shiladi. Agar shakar ko‘pirtirish boshlanishi bilan qo‘shilsa, zich merenga hosil bo‘ladi. Tuxum oqi ko‘pirtirilib, keyin oz-ozdan shakar qo‘shilsa, merengalar yengil chiqadi.
Merenga tayyorlash uchun tuxumning oqsilini sarig‘idan sovuq holida ajratib olish, oqsilini esa yopiq idishda xona haroratida isitish uchun qoldirish maqsadga muvofiqdir.
Merenga tayyorlashning ikki usuli mavjud — xom va qaynatilgan.
Xom usulda eng oddiy va keng tarqalgan, teksturasi xilma-xil bo‘lgan fransuz merengasi tayyorlanadi. Uning yengil talqini quyidagicha: tuxum oqi ko‘pikka aylantiriladi va keyin spatula yordamida shakar qo‘shiladi, tort va shirin pirojniylarni bezash uchun ishlatiladi, massa yetarlicha yumshoq va shaklini saqlamaydi, pirojniylar bilan birga pishiriladi.
Barqarorroq shakllar (qandolat xaltachasi yoki qoshiq yordamida) tayyorlashda qo‘llaniladigan mustahkamroq fransuz merengasini olish uchun shakar qo‘shilgandan so‘ng uzoqroq ko‘pirtirish lozim. Qancha ko‘p ko‘pirtirilsa, massa shunchalik mustahkam bo‘ladi. Bu mahsulot past haroratda, ya’ni 90-100 daraja issiqlikda pishiriladi.
Qaynatish usuli yordamida merenganing ikki turi — Italyan va Shveysariya merengasi tayyorlanadi.
Italyan merengasini tayyorlash uchun 120 darajagacha qizdirilgan sirop (shakar va suv) ko‘pirtirilgan oqsillarga quyiladi, massa sovib, yaltiroq bo‘lguncha ko‘pirtirish davom ettiriladi. Natijada qandolat mahsulotlari (kremlar) yoki bezak uchun ishlatiladigan yumshoq, ammo mustahkam merenga hosil bo‘ladi.
Shveysariya merengasini tayyorlash uchun oqsil, kislota va shakar suv hammomida 75-78 darajagacha isitiladi va massa yopishib, soviguncha ko‘pirtiriladi. Bu usulda tayyorlangan tuxum oqi pasterizatsiya qilinadi va sog‘liq uchun xavfsiz hisoblanadi. Muzlatgichda bir necha kun saqlanadi, bezak uchun juda mos.
Muallif:
Nino Megrelidze
Izohlar