Pitssani butun dunyoda yaxshi ko‘rishadi - birorta ham pitseriyasi bo‘lmagan mamlakatni topish qiyin. Pitsa uy sharoitida ham tayyorlanadi, ammo u mukammal chiqishi uchun bir nechta maslahatlarni inobatga olish kerak.

Yaxshi pitsa uchun oliy navli un, suv, xamirturush, tuz, shakar va zaytun moyi kerak. Unni iste’mol qilishdan oldin elakdan o‘tkazish kerak. Zaytun moyi xamirni elastik qiladi. Moy sovuq siqilgan bo‘lgani ma’qul. Suv qattiq bo‘lmasligi kerak, ba’zan xamir uchun qaynatilgan suv ham ishlatiladi.


 
Xamir tezroq ko‘tarilishi uchun uni taxminan 40 daraja haroratdagi iliq suv bilan qorish kerak. Xamirturushni ham tirik (briket), ham quruq (kukun) holda ishlatsa bo‘ladi. Shakar xamirturushning ta’sirini kuchaytiradi degan fikr bor, shuning uchun xamirga ozgina miqdorda qo‘shiladi. Xamirni 5-7 daqiqa davomida qo‘lda yaxshilab aralashtirish lozim, biroq mikserdan ham foydalanish mumkin.

Pitsseriyalarda pitssa maxsus pechda 280-320 daraja haroratda 8-9 daqiqa davomida pishiriladi. Uy sharoitida - 200-230 daraja haroratda 10-15 daqiqa davomida. Ko‘pincha pitsa yarim tayyor bo‘lguncha pishiriladi, so‘ngra pomidor sousi surtiladi, turli xil nachinkalar qo‘yiladi va to‘liq tayyor bo‘lguncha 5-7 daqiqaga duxovkaga qaytariladi.

Pitsa mazali bo‘lishi uchun albatta yangi va sifatli mahsulotlardan foydalanish lozim. An’anaviy retseptlarda bir pitsa uchun ko‘pi bilan 3-4 xil masalliq qo‘shiladi. Ziravor sifatida rayhon va italyan giyohlari aralashmasi juda mos keladi.