Brend-shefdan taomlarning mukammal ta’mi siri
2 min. o'qing
Brend-shefdan taomlarning mukammal ta’mi siri

Mening asosiy maslahatim — eng oddiy masalliqlardan foydalanib, mehr bilan taom tayyorlang. Tansiq taomlarni har kim ham pishira oladi, biroq oddiy va hammaga tanish taomni chinakam mazali qilib tayyorlash — ko‘pchilikning qo‘lidan kelavermaydigan vazifadir.
Ko‘p yillar davomida bosh oshpazlar bilan ishlash jarayonida bir muhim narsani anglab yetdim: har qanday taomning siri sifatli mahsulotni to‘g‘ri tanlay bilish mahoratida yashirin.
Keling, misol qilib oddiygina bodring va pomidordan tayyorlanadigan uy salatini olaylik. Bir qarashda, buning hech qanday murakkab joyi yo‘qday tuyuladi. Lekin ko‘pchilikning asosiy xatosi — rastada ko‘ziga birinchi tushgan yoki arzonroq mahsulotni tanlashidir. Buning o‘rniga, bir urinib ko‘ring-u, ataylab sersuv, etli pomidorlar va qarsildoq, zich bodringlarni toping. Natija shunday ajoyib bo‘ladiki, o‘zingiz ham hayratda qolasiz. Albatta, restoran oshxonasida doim tannarxni hisobga olish muhim, ammo to‘g‘ri yondashilsa, sifatni yo‘qotmagan holda hamma narsani aynan ko‘ngildagidek amalga oshirish mumkin.
Bu maslahat ham professional oshxonada ishlaydiganlar uchun, ham o‘z yaqinlarini xursand qilish maqsadida uyda taom pishirishni yaxshi ko‘radiganlar uchun birday ahamiyatlidir. Oddiy va albatta, mehr bilan pishiring.
Muallif:
Kaparov Ruslan
Izohlar





