ქათმის ფილე შინდის საწებელში

30-60 წუთი

საშუალო

201-500 კკალ

ძალიან მიყვარს შინდი, ბავშვობიდან მახსოვს ჩემს ოჯახში დამზადებული შინდის მურაბა, ჯემი, კომპოტი... მე ამ ხილის საწებელს შემოგთავაზებთ.

ინგრედიენტები

3 3 ქათმის ფილე

50 50 გრ. მწვანე ხახვი

30 30 გრ. პრასი

1 1 მწვანე წიწაკა

100 100 გრ. სულგუნი

4 4 კბილი ნიორი

1 1 კვერცხი

6 6 ჩაის კოვზი მეგრული აჯიკა

700 700 გრ. შინდი

1 1 კონა ქინძი

2 2 უცხო სუნელი

2 2 ჭიქა წითელი მშრალი ღვინო

50 50 გრ. შებოლილი სულგუნი

საფეხური 1

შინდი კარგად გავრეცხოთ, ჩავყაროთ ქვაბში და დავასხათ წყალი ისე, რომ ოდნავ დაფაროს. დავუმატოთ ღვინო, დავაფაროთ თავსახური და დავდგათ მაღალ ცეცხლზე. წამოდუღებიდან 5-7 წუთის შემდეგ გადმოვდგათ, გადავწუროთ (გადაწურული ნახარში არ გადაღვაროთ). ვაცადოთ გაგრილება, და გავატაროთ ცხაურში, კურკები გადავყაროთ, გატარებული მასას დავამატოთ ნახარში წვენი ისე, რომ მივიღოთ საწებლის კონსისტენცია. შევკმაზოთ უცხო სუნელით, 2 ჩ.კ მეგრული აჯიკით და ძალიან წვრილად დაჭრილი (ან დაბლენდერებული) ქინძით, მარილი გემოვნებით.

საფეხური 2

ფილე გავჭრათ შუაში, გავუკეთოთ ჯიბე. ამოვავლოთ აჯიკაში. ცალკე დავჭრათ მწვანილი. შევურიოთ გახეხილი სულგუნი და კვერცხი - ეს ქათმის გულსართია. აჯიკაში ამოვლებულ ქათმის ფილეს წინასწარ გაჭრილ ჯიბეში ჩავუდოთ გულსართი ისე, რომ არ გადმოდიოდეს.

საფეხური 3

ტაფა გავახუროთ საშუალო ცეცხლზე, დავუმატოთ ზეთი და ქათმის ფილე შევწვათ ორივე მხრიდან. როდესაც ფილეს გადმოვაბრუნებთ, ტაფას დავაფაროთ თავსახური, ასე იგი შიგნიდანაც გამოცხვება.